Urkunde Nr. 3652 aus Band VI

Seite im UB:

360

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 283.

Druckvorlage:

nach Original

Abdruck als:

Volltext

Sprache:

Latein

---

3652

Pressburg 1468 Oktober 1 König Matthias verbietet allen Adligen Siebenbürgens und den Rumänen der Distrikte Fogarasch und Hamlesch, ihre Herden auf dem Gebiet der Sieben und Zwei Stühle zu weiden.

Von der Kanzlei: De commissione domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis nobilibus et alterius cuiusvis status possessionatis hominibus partium regni nostri Transsiluanarum, ac officialibus et universis Volahiis in districtibus Fogaras et Omlas constitutis et commorantibus salutem et gratiam. Gravem querelam fidelium nostrorum universorum Saxonum nostrorum in septem et duabus sedibus Saxonicalibus earundem partium Transsiluanarum commorantibus accepimus, quomodo nonnuli essent ex vobis et signanter de dictis districtibus Fogaras et Omlas, qui suos pastores in medium ipsorum Saxonum nostrorum simul cum gregibus ovium et aliorum pecorum suorum destinarent et ipsos tam in vineis quam segetibus et silvis ac pascuis non mediocriter dampnificarent et dum de huiusmodi gregibus talium, secundum consuetudinem et iura eorum birsagia reciperent, ac eos et pastores eorum de pascu ovium et aliorum pecorum inhiberent. Illi tum combustionibus tum etiam aliis nefariis et malis artibus ipsis Saxonibus minas imponerent in praeiudicium eorum et turbationem. Unde nos ipsos Saxones nostros nolentes in huiusmodi segetibus, vineis, silvis ac pascuis eorum contra eorum voluntatem per vos, aut quempiam vestrorum turbari seu dampnificari, fidelitati vestrae firmiter mandamus, quatenus visis praesentibus a modo imposterum annotatos Saxones nostros cum gregibus ovium sive pecudum vestrorum impedire aut turbare vel dampnificare non audeatis, nec ipsos greges vestros contra eorum voluntatem in medio ipsorum pascere debeatis, alioquin ipsi Saxones nostri iuxta libertatem eorum ac morem et consuetudinem antiquam in hac re observari solitam etiam per ablationes pecudum et ovium vestrarum se et terram suam tuebuntur. Ubi autem aliqui ex vobis ausu temerario ducti de praemissis desistere nollent, extunc etiam serie praesentium committimus fidelibus nostris magnificis vaivodis nostris Transsiluanensibus eorumque vicevaivodis nunc constitutis et in futurum constituendis, ut ipsis scita prius praemissorum mera veritate omnes tales ad praemissa observanda cum omnibus gravaminibus eorum arcius compellant et astringant auctoritate nostra praesentibus ipsis in hac parte attributa et iustitia mediante. Secus ergo non facturi. Praesentibus perlectis exhibenti restitutis. Datum Posonii sabbatho proximo post festum beati Michaelis archangeli, anno domini millesimo quadringentesimo sexagesimo octavo, regni nostri anno undecimo, coronationis vero quinto.

Auf der Rückseite von gleichzeitiger Hand: Contra Fugaras et Omlas.