Urkunde Nr. 3653 aus Band VI

Seite im UB:

360-361 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 284.

Druckvorlage:

nach Original

Abdruck als:

Volltext

Sprache:

Latein

---

3653

Pressburg 1468 Oktober 1 König Matthias verbietet, dass Gebietsteile der Sieben und Zwei Stühle entfremdet werden. [S. 361]

Von der Kanzlei: De commissione domini regis.

Mathias dei gratia rex Hungariae, Dalmaciae, Croaciae et cetera fidelibus nostris magistris civium, iudicibus regiis ac iuratis senioribus septem et duarum sedium Saxonicalium partium Transsiluanarum regni nostri salutem et gratiam. Accepimus, quomodo in ipsis sedibus nonnulae essent terrarum silvarumque et aliarum rerum occupationes tum per vicinos nobiles et alios, tum etiam per Saxones in medio vestri residentes sine lege factae. Cum autem nos huiusmodi occupationes velimus bono ordine rectificari, ideo fidelitati vestrae firmissime committimus et mandamus, quatenus receptis praesentibus huiusmodi occupationes iniustas quicumque fecissent eas, vestra diligenti sollicitudine studeatis et debeatis rectificare ac a manibus earundem terrarum silvarumque occupantium rursus reoccupare atque pristinis locis, ad quae pertinebant, annectere, quoniam nos temporibus nostris nolumus quidquam prout etiam promisimus, de ipsis sedibus alienari. Et si aliqui ausu temerario ducti remittere nollent ipsas terras sive silvas occupatas, extunc serie praesentium committimus fidelibus nostris magnificis vaivodis nostris Transsiluanis et comitibus Siculorum nostrorum eorumque vicevaivodis, ut ipsi omnes tales etiam per eorum gravamina ad remittendum compellant auctoritate nostra praesentibus ipsis in hac parte attributa et iustitia mediante. Praesentibus perlectis reddant vobis praesentanti. Datum Posonii sabbato proximo post festum beati Michaeli archangeli, anno domini millesimo quadringentesimo sexagesimo octavo, regni nostri anno undecimo, coronationis vero quinto.


a) Seitenumbruch nach Kopfregest.^{^}