Urkunde Nr. 3655 aus Band VI

Seite im UB:

361-362

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 189.

Druckvorlage:

nach Original

Abdruck als:

Volltext

Sprache:

Latein

---

3655

Pressburg 1468 Oktober 4 König Matthias gestattet den Bewohnern von Kronstadt und des Burzenlandes, ihre Handelsgeschäfte auch in Aspern zu tätigen und gibt seinen Münzkammergrafen entsprechende Weisungen.

Von der Kanzlei: Commissio domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis comitibus cusionis monetarum nostrarum ubilibet in partibus regni nostri Transsiluanis constitutis praesentibus et futuris, praesentium notitiam habituris salutem et gratiam. Expositum est nostrae maiestati in personis universorum civium, hospitum et inhabitatorum civitatis nostrae Brassouiensis et terrae Barcza ad modum querelae, quomodo vos inhibuissetis eos, vt nullibet¹⁾ osporas in emptionibus et venditionibus rerum, dum Volahy de partibus Transalpinae in medium eorum venirent, recipere permitteretis et per hoc ipsi dampna non parva susciperent. Supplicatum itaque extitit nobis in personis eorundem civium, hospitum et inhabitatorum dictae civitatis nostrae Brassouiensis et terrae Barcza, ut nos huic rei remedium adhibere dignaremur. Unde nos volentes ipsis osporis penes monetas nostras regias in emptionibus et venditionibus rerum in medio eorundem locum habere, fidelitati vestrae firmiter mandamus, quatenus dum et quotiescumque Volahy et alii cuiusvis status et conditionis homines in medium eorundem civium, hospitum et inhabitatorum dictae civitatis nostrae Brassouiensis et terrae Barcza venerint, libere res eorum venales cum osporis penes monetas nostras vendere et venditioni exponere permittatis et permitti faciatis, nec propterea eos resque et bona eorum impedire praesumatis. Praesentibus perlectis exhibenti restitutis. Datum Posonii in festo beati Francisci confessoris, anno domini millesimo quadringentesimo sexagesimo octavo, regni nostri anno undecimo, coronationis vero quinto.

Auf der Rückseite gleichzeitig: Litera ut libere cum asperis possumus mercari.


1) Vorlage nulliby. ^{^}