Urkunde Nr. 3657 aus Band VI

Seite im UB:

363

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 286.

Druckvorlage:

nach Original

Abdruck als:

Volltext

Sprache:

Latein

---

3657

Pressburg 1468 Oktober 7 König Matthias trägt dem Archidiakon von Kokelburg Nikolaus Buda auf, die Abgebrannten aus den Sieben und Zwei Stühlen zu verzeichnen.

Von der Kanzlei: Commissio domini regis.

Mathias dei gratia rex Hungariae, Dalmaciae, Croaciae et cetera fideli nostro honorabili Nicolao Buda archidiacono de Kykellew salutem et gratiam. Noveris, quod nostrum veniens in conspectum nuncii universorum Saxonum septem et duarum sedium Saxonicalium partium Transsiluanarum regni nostri in personis universorum Saxonum combustorum ac aliorum oppressorum in eorum medio existentium nobis declararunt, quanta iidem temporibus praeteritis suscepissent dampna et in quantis essent oppressionibus. Et superinde quaedam eorum registra nobis obtulerunt supplicabantque, ut eis in eorum censu ordinario infra certos annos aliquod levamen facere dignaremur. Et quia nos ex dicto registro dampna et oppressiones dictorum Saxonum combustorum hic plene agnoscere non potuimus, ideo fidelitati tuae firmiter mandamus, quatenus receptis praesentibus quanta praefati Saxones combusti passi fuissent dampna et in quantis existant oppressionibus, et qualiter sint combusti, parte diligenter conspicias et limites et tandem nobis in registro tuo conscienciose intimes, ut tandem sciamus, quid exinde pro commodo et utilitate dictorum Saxonum combustorum et aliorum oppressorum facere debeamus. Secus non facturi. Datum Posonii feria sexta proxima post festum beati Francisci confessoris, anno domini millesimo quadringentesimo sexagesimo octavo, regni nostri anno undecimo, coronationis vero quinto.

Auf der Rückseite von gleichzeitiger Hand: Insinuatoria et inquisitoria dampnorum hominum combustorum.