Urkunde Nr. 3665 aus Band VI

Seite im UB:

366-367

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 19.

Druckvorlage:

nach Original

Abdruck als:

Volltext

Sprache:

Latein

---

3665

Frauenbach (Baia Mare) 1468 Dezember 21 Der siebenbürgische Propst Gotthard rät dem Rat von Hermannstadt, sich in Angelegenheit der von den Besitzungen Reussen und Michelsberg doppelt eingehobenen Steuer an den König zu wenden.

Prudentes et circumspecti viri amici nostri plurimum honorandi. Scribitis nobis vestris in literis, quomodo honorabilis Nicolaus archidiaconus de Kykellew praesentem contributionem LXXX denariorum, quam nos pridem de ipsa vestra civitate et eius pertinentiis levassemus, super villa ecclesiae vestrae Rwez ac villa abbatiae de Candelis Zenthmyhalheg vocatis vice secundaria cum birsagiis exigere intenderet et nonnullos ex pauperibus in eadem Rwez commorantibus in libero campo itinerantes captivasset captosque ad Wyzakna deduci fecisset, quos in sua captivitate detineret etiam de praesenti vestrumque nuntium ad ipsum pro hac re transmissum nullum bonum responsum eidem dando vacuum remisisset. Super quibus tam vobis quam ipsis pauperibus quantum in nobis est valde compatimur. Ulterius in eisdem [S. 367] literis vestris petitis nos, ut saltem ipsis pauperibus super praemissis consuleremus quid in huiusmodi ipsorum oppressione esset agendum ne iidem pauperes per secundariam exactionem gravarentur. Super qua vestra requisitione nos aliter consulere non valemus nisi ut quanto citius poteritis per vestrum certum nuntium illac intimetis, quo est intimendum non parcentes fatigiis et expensis, nam constat quod eaedem villae in huiusmodi contributione semper ad civitatem vestram fuerint connumeratae. Quia si vellitis, ut pecuniam super eisdem villis levatam¹⁾ inhabitatoribus earundem remitteremus, hoc facere nequimus, cum eandem dudum domino regi transmiserimus. Ceterum vestras omniumque Saxonum oppressiones eidem domino regi tam clare et expresse rescripsimus, ut superinde nobis grates referre poteritis. Scripta in Rivulo dominarum ipso die festi beati Thomae Canturiensis archiepiscopi, anno et cetera LX^mo octavo.

Gothardus praepositus Transilvanus.

Auf der Rückseite Adresse: Prudentibus et circumspectis viris magistro civium ac iudici iuratisque consulibus civitatis Cibiniensis fratribus et amicis nostris plurimum honorandis.


1) Über der Zeile.^{^}