Urkunde Nr. 3671 aus Band VI

Seite im UB:

370

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 183.

Druckvorlage:

nach Original

Abdruck als:

Volltext

Sprache:

Latein

---

3671

Klausenburg 1469 Januar 18 Franciscus Italicus de Florencia schreibt seinem Schwager Nikolaus Aurifaber, Bürgermeister von Hermannstadt, u.a. in Angelegenheit seines Hermannstädter Hauses.

Prudens vir domine et sororie noster honorande post debitae salutationis exhibitionem. Sciatis me literas vestras mihi porrectas sane intellexisse, ubi scribitis, ut filiam vestram Agnes vocatam in curru Nicolai Czecz remittere debeam. Et quia vestram voluntatem infringere non valeo, ipsam potius ut filiam in eruditione hungarici linguagii, quam studere multum affectat, apud me retinuissem. Ubi autem timetis de pestilentia sciatis, quod hic nulla vigeret pestilentia, sed homines antiqui moriuntur. Ceterum noveritis, quomodo intellexi quod quidam Johannes Borth dictus domum nostram hic in vestri medio habitam pro debitis domini Cristofori occupasset. Sciatis, quod idem dominus Cristoforus ipsam domum sub forma testamenti tribus pueris suis legavit. Unde petimus vestram prudentiam, quatenus dictos pueros ab impetitione dicti Johannis et alterius cuiuscumque tueri et defensare dignemini. Si quid vero actionis praefatus Johannes contra annotatum dominum Cristoforum habet vel habere sperat, id in praesentia iudicis et iuratorum civium de Rivolo dominarum prosequi valeat et sibi de bonis domini Cristofori et non de nostris bonis sibi satisfactionem exposcat. Datum ex Koluswar in die sanctae Priscae virginis, anno domini M^o (CCCC)¹⁾ LXIX^o.

Franciscus Italicus
de Florencia et Margareta uxor eius.

Auf der Rückseite Adresse: Prudenti viro Nicolao Aurifabro, magistro civium Cibiniensi sororio nostro karissimo.


1) Fehlt in der Vorlage.^{^}