Urkunde Nr. 3672 aus Band VI

Seite im UB:

370-371

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 80.

Druckvorlage:

nach Original

Abdruck als:

Volltext

Sprache:

Latein

---

3672

Reteag 1469 Januar 26 Richter und Rat von Reteag ersuchen den Bistritzer Rat, von den Bewohnern von Dürrbach, die ihren Mitbewohner Johann Volah verwundet haben, Genugtuung zu verlangen.

Salutem cum honore; circumspecti ac providi viri nobis grate dilecti ac honorandi praesentibus vestris enodamus circumspectionibus, quomodo Johannes Volah iobagio domini nostri, commansor noster per homines in Dipse commorantes magnas vulneriationes et correctiones seu percussiones est passus et ut praefertur ipsum quasi semivivum relinquissent in praeiudicium domini nostri valde magnum, quas praedictas percussiones et vos bene scitis quas noluisset [S. 371] propter quadraginta florenos¹⁾ auri puri. Ceterum etiam damus scire vestris circumspectionibus, quomodo in hiis diebus elapsis dum personaliter illic ad Matheum Siggir nuncupatum, pro quibusdam damnis illatis descenderatis etiam eidem spoponderatis vestri quicumque ex iobagionibus domini nostri ratione et praetextu alicuius²⁾ facti²⁾ ad vestras pervenerint circumspectiones eisdem omnimodam impenderetis satisfactionem secundum ordinem iuris seu iustitiae. Pro eo praesentibus vestras rogamus probitates affectuose, quatenus huic praescripto iobagioni domini nostri portitori videlicet praesentium ex parte praedictorum hominum in Dipse commorantium omnimodam satisfactionem impendere velitis prout dictaverit ordo iuris et iustitia mediante. Quod dum et quando ex nostratibus vobis placuerit et nos faciemus. Ceterum quid lator praesentium retulerit eidem fidem creditivam adhibere velitis. Datum in Rettegh in crastino conversionis sancti Pauli, anno domini M^o CCCC^o LX^o nono. Iudex ceterique iurati in opido Rettegh commorantes vestri in omnibus.

Auf der Rückseite Adresse: Circumspectis ac providis viris iudici, iuratis ceterisque civibus de Bistricia dominis et amicis nobis dilectis ac honorandis.


1) Ursprünglich florenis.^{^}
2) Über der Zeile. [2x]^{^}