Urkunde Nr. 3688 aus Band VI

Seite im UB:

380-382

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 34.

Druckvorlage:

nach Original

Abdruck als:

Volltext

Sprache:

Latein

---

3688

Gran 1469 März 7 Thomas, Generalvikar der Graner Kirche und Propst von Eisenburg, fordert alle Besitzer bzw. Verwalter amtlicher Aktenstücke auf, einigen im Prozess befindlicher Parteien in Hermannstadt die notwendigen rechtlichen Unterlagen bereitzustellen.

Thomas decretorum doctor, praepositus Castriferrei ac canonicus Strigoniensis ecclesiarum necnon reverendissimi in Christo patris et domini Johannis miseratione divina archiepiscopi Strigoniensis locique eiusdem comitis perpetui, primatis Hungariae et apostolicae sedis legati nati vicarius in spiritualibus et causarum auditor generalis dilectis nobis in Christo honorabilibus et discretis viris dominis... de Monte sancti Michaelis,... de Parvo Horreo,... de villa [S. 381] Humperti, ... de Rewsdywrf et . . . de Holczmenia aliisque omnibus et singulis ecclesiarum plebanis et clericis curatis et non curatis in et sub iurisdictione spirituali ac diocesi Strigoniensi ubilibet constitutis et existentibus, qui cum praesentibus fueritis requisiti seu alter vestrum fuerit requisitus, salutem in domino et nostris firmiter obedire mandatis. Noveritis, quod nostri veniens in praesentiam circumspectus Martinus Literatus de Zazsebes Transilvanensis diocesis suo ac prudentum et circumspectorum virorum Nicolai magistri civium ac iuratorum consulum civitat is Czibiniensis diocesis et iurisdictionis spirituais Strigoniensis praedictae necnon Johannis Pellificis de dicta Zazsebes et Nicolai de Zlathna dictae Transilvanensis diocesis nominibus et in personis nobis exponere curavit, quomodo forent nonnuli domini praelati, iudices capellae, officiales, vicarii, commissarii, conventus, clerici, thabelliones et notarii publici aliaeque personae tam ecclesiasticae quam saeculares in diocesi et provincia Strigoniensi existentes et signanter honorabilis vir dominus Sigismunde plebanus de Wiszakna, decanus sedis Czibiniensis, diocesis et iurisdictionis spiritualis Strigoniensis praedictae ac magister Urbanus notarius et scriba consistorialis dictae sedis, qui penes se habent et detinent ac habentes et detinentes sciunt in eorum cameris, cistis, scriniis, notis et protocollis ac conservatoriis nonnulla acta actitata, iura, privilegia, instrumenta, munimenta, literas et processus causarum et causas et quarundam appellationis seu appellationum a quibusdam gravaminibus et denegatione iustitiae per praefatum dominum Sigismundum decanum in causa et causis primo inter ipsum Martinum Literatum ab una ac discretum virum Anthonium cultellifabri presbyterum, capellanum in ecclesia parochiali Czibiniensi, partibus ab altera de et super facto ut dicitur quarundam iniuriorum et scandali eorumque occasiones. Item deinde inter praefatos Nicolaum magistrum civium ac iuratos consules et Stephanum Agathe ab una et discretum virum Jacobum presbyterum similiter capellanum in dicta ecclesia Czibiniensi ac quandam Elizabeth famulantem in eadem ecclesia Cibiniensi ab alia partibus de et super facto detentionis et occultationis quarundam pecuniarum earumque occasione denique inter praedictos Johannem pellificem et Nicolaum ab una ac circumspectum Thomam Zeglauer civem dictae civitatis Cibiniensis ab alia partes in de et super facto cuiusdam ut dicitur ficti testamenti eiusdem occasione coram ipso domino Sigismundo decano motus pro parte dictorum esxponentium ad hanc almam sedem metropolitanam Strigoniensem interpositarum coram nobisque sententia, concernentia¹⁾ et concernentia¹⁾ sine quibus de huiusmodi causarum meritis et iuris partium praedictarum prout assertum extitit ad plenum liquere non poterit seu constari. Eapropter in per ipsarum exponentium nominibus quibus supra fuimus dictarum instantium requisiti, quatenus ipsis superinde de opportuno iuris provideri literasque compulsorias ad partes decernere et concedere dignaremur. Nos itaque attendentes requisitionem huiusmodi fore iustam et iuriconsonem quodque iusta petentibus non est denegandus assensus bonique iudicis sit cuncta rimari ne occasione occulationis iurium alicuius partium instantia valeat deperiri. Igitur vos omnes et singulos dominos supradictos et quemlibet vestrum insolidum requirimus et monemus primo, secundo, tertio et perhemptorie communiter et divisim vobisque nihilominus et vestrum cuilibet in virtute sanctae obosedientiae et sub excommunicationis poena quam in vos et alterum vestrum nisi feceritis, quod vobis mandamus trium dierum canonica monitione praemissa ferimus in hiis scriptis districte praecipiendo mandamus, quatenus visis praesentibus et praeterquam per praefatos Martinum Literatum, Nicolaum magistrum civium ac iuratos consules, Johannem pellificem et Nicolaum de Zlathna vel eorum legitimos procuratores cum praesentibus fueritis requisiti aut alter vestrum requisitus praefatos dominos praelatos, iudices, commissarios, vicarios, capella, conventus officiales, clericos, tha-[S. 382]belliones, notarios publicos aliasque personas ecclesiasticas et saeculares per exhibitorem praesentium vobis nominandum personaliter accedatis seu alter vestrum accedat ipsosque auctoritate nostra et eorum quemlibet requiratis et moveatis. Quos etiam nos tenore praesentium requirimus et monemus primo, secundo, tertio et perhemptorie eisque et eorum cuilibet in virtute sanctae obedientiae et sub poenis ac servitiis infrascriptis mandamus, quatenus infra duodecim dierum spatium post vestram requisitionem immediate sequentem quorum dierum quatuor pro primo, quatuor pro secundo et reliquos quatuor dies pro tertio et perhemptorie termino monitioneque canonica assignamus praedicta iura, literas, acta, processus, scripturas, instrumenta, privilegia aliaque munimenta quaecumque causam huiusmodi concernentem et concernenda penes eos existentem et existenta in publicam formam redactas et redacto originaliter aut ex originalibus eorum vera transsumpta, signis et sigillis autenticis signata atque sigillata et alias sub talibus modo et forma quibus in iudicio et externa coram nobis et alibi valeat eis fides adhiberi. Praefatis exponentibus aut procuratoribus eorum sive praesentium exhibitori nobis aut alteri forsan loco nostri deputandum, auditori deferendum absque difficultate et contradictione dent, tradant et assignent satisfactio tamen primitus illi vel illis cui vel quibus satisfaciendum fuerit de ipsorum sallario competenti. Et si forte praemissa omnia et singula vel aliquod eorundem prout ad ipsos pertinent non adimplevitur sive quitquam¹⁾ in contrarium fecerint aut [fec] ²⁾ erit publice vel occulte, directe vel indirecte aut alio quovis quaesito colore nos in ipsos et ipsorum quemlibet contradictores seu contrad [i ] ³⁾ coniunctim et divisim ex nunc prout ex tunc et ex tunc prout ex nunc singulariter in singulos dicta canonica monitione praemissa executionis in capella vero et collegia, si qua fuerint, in hiis delinquentia suspensionis a dominis et in eorum deliquentium ecclesias, monasteria et capitula interdicti sententias ferimus in hiis scriptis et etiam promulgamus. Absolutionem vero omnium et singulorum, qui dictas sententias incurrerint, nobis vel superiori nostro tantummodo reservamus. Et tandem serie vestrae executionis huiusmodi ac quitque¹⁾ in praemissis feceritis nobis conscientiose rescribatis. Praesentes in spem remittentes. Datum Strigonii septima die mensis Martii, anno domini millesimo quadringentesimo sexagesimo nono.

Von anderer Hand und mit anderer Tinte:
Petrus de Lindwa,
notarius in praemissis.


1) So Vorlage. [4x]^{^}
2) Lücke 3 mm.^{^}
3) Lücke 6 mm.^{^}