Urkunde Nr. 3697 aus Band VI

Seite im UB:

386-387

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 294.

Druckvorlage:

nach Original

Abdruck als:

Volltext

Sprache:

Latein

---

3697

Tschanad 1469 April 7 Johannes, Bischof von Tschanad, ersucht den Bürgermeister von Hermannstadt, die siebenbürgischen Besitzungen der Egrescher Kirche in ihren Rechten und Freiheiten zu schützen.

[S. 387] Prudentes et circumspecti domini amici nobis dilecti. Quia nos certas possessiones ecclesiae nostrae de Egres partibus in illis, ut bene scitis, habemus, ad quarum protectionem et continuam revisionem homines nostros ibi saepius mittere non possumus propter magnam loci distantiam, ideo petimus amicitias vestras praesentibus diligenter, quatenus et ipsas nostras possessiones in ea libertate et in illis iuribus conservare et protegere velitis, quibus vos ipsi a divis et sanctis regibus estis privilegiati et dotati. Pro quo et nos, dum tempus aderit opportunum, aut coram serenissimo domino nostro rege, aut alias ubicumque placuerit, pro vobis et pro vestris libertatibus, quantum poterimus, libenter procurabimus et laborabimus, nec minus complacentiae credatis amicitiis vestris faciemus, quantum boni vos ibi cum illis possessionibus nostris facietis. Secus igitur iterum rogamus amicitias vestras non facturi amicitiae et complacentiae nostrae ob respectum. Ex Chanadino feria sexta proxima post festum¹⁾ resurrectionis domini, anno eiusdem millesimo et cetera LX nono.

Johannes, episcopus
ecclesiae Chanadiensis et cetera.

Auf der Rückseite Adresse: Prudentibus et circumspectis dominis magistro civium ceterisque civibus et hospitibus de Cybinio amicis nostris sincere grateque dilectis.


1) Hierauf ro gestrichen.^{^}