Urkunde Nr. 3708 aus Band VI

Seite im UB:

395-396

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1255 und 1267 - Abt.42: K. A. Stolzenburg [Parohia Ev. CA Slimnic], Nr. 19 und 31.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3708

Hermannstadt 1469 April 26 Die Sieben Stühle entscheiden den zwischen Stolzenburg und Grosscheuern wegen eines Flurschadens schwebenden Streit.

Nos iudices et iurati seniores septem sedium Saxonicalium partium Transsilvanarum memoriae commendamus tenore praesentium significantes quibus expedit universis, quod cum nuper discretus dominus Georgius plebanus ac Paulus Trevostrem dictus villicus et Martinus Fwegendorffer et Blasius Reder dicti iurati seniores de villa regali Stolczenburg vocata in suis ac aliorum universorum et singulorum iuratorum seniorum et inhabitatorum eiusdem nominibus et personis ab una ac discretus dominus Jeronimus plebanus et Anthonius Henczman dictus villicus et Johannes Emerlich dictus iuratus de magno Horreo similiter in suis ac universorum et singulorum iuratorum seniorum et inhabitatorum de eodem magno Horreo nominibus et personis coram nobis personaliter constituti certa quaestione de et super infrascriptis fecissent. Nos in eisdem lege et consuentudine huius patriae requirentes bona deliberatione digesto quoque consilio praehabito taliter decrevimus, conclusimus et diffinivimus ut praefati villicus, iurati seniores et inhabitatores de praedicta magno Horreo tempore, quo in terris eorum arabilibus vacantia frugum fuerit vulgariter et cetera Broch appellata prata ipsorum sepibus et indaginibus, taliter et tam fortiter circumsepire et fortificare debeant ut animalia et iumenta aliqua per easdem intrare non valeant. Ubi vero prata ipsorum huiusmodi sepibus et indaginibus tam fortiter non circumsepirent et fortificarent et animalia atque iumenta praefatorum inhabitatorum de Stolczenburgh prata huiusmodi per easdem sepes et indagines irrumperent et intrarent, extunc ipsi inhabitatores de magno Horreo ab eisdem inhabitatoribus de Stolczenburgh nullum birsagium sive vadium vulgo Schuczung vocitatum recipere valeant aut praesumant, sed solum ipsa animalia et iumenta de eisdem pratis sine aliqua laesione expellantur. Ubi vero inhabitatores de praefata Stolczenburgh vel etiam antelati inhabitatores de magno Horreo huiusmodi sepes et indagines violenter fraugendo apperirent, extunc tales id facientes per iudices huius civitatis Cibi-[S. 396] niensis iuxta huius patriae consuetudinem eo facto condigna mulcta debeant emendari. Hoc tamen declarato, quod praedicti inhabitatores de Stolczenburgh sive in terris arabilibus sive pratis in territorio eorundem inhabitatorum de magno Horreo habitis et situatis de quibus iidem inhabitatores de Stolczenburgh eisdem inhabitatoribus de magno Horreo censuales existant vacantia frugum fuerit sive non animalia et iumenta eorum iuxta patriae istius consuetudine in eisdem terris et pratis et notanter tempore messis et aliorum solitorum laborum eo modo quo iidem de magno Horreo libere pascere et enutrire valeant atque possint eorundem inhabitatorum de magno Horreo et aliorum quorumlibet contradictione in hac parte minime obstante. Harum literarum nostrarum sigillo nostro minori provinciali subappresso consignatarum vigore et testimonio mediante. Datum Cibinii feria quarta proxima post festum beati Georgii martiris, anno domini millesimo quadringentesimo sexagesimo nono in congregatione nostra generali.