Urkunde Nr. 3709 aus Band VI

Seite im UB:

396-397

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 339.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3709

1469 Mai 3 Das Weissenburger Kapitel teilt König Matthias mit, dass die Grenzbegehung zwischen Heltau und Michelsberg am 17. April stattgefunden hat.

Serenissimo principi et domino domino Mathiae dei gratia regi Hungariae, Dalmaciae, Croaciae et cetera domino ipsorum naturali generosissimo capitulum ecclesiae Albensis Transylvanae orationes in filio virginis gloriosae perpetua cum fidelitate. Vestra noverit celsitudo, quod cum nos literis magnifici viri domini comitis Ladislai de Palocz, iudicis curiae vestrae super reambulatione et metarum erectione possessionis Zenthmyhalhegye vocatae in districtu Cibiniensi habitae pro parte circumspectorum iudicis, iuratorum seniorum et inhabitatorum dictae possessionis Zenthmyhalhegye et contra circumspectos viros iudicem, iuratos seniores hospites et incolas villae Heltha appellatae in districtu praedicto existentis confectis et emanatis nobisque amicabiliter directis honore quo decuit acceptis, iuxta quarum continentiam unacum nobili Johanne Kereky de Pokafalwa homine vestrae sublimitatis de curia vestra per ipsum dominum comitem Ladislaum ad id specialiter transmisso unum ex nobis videlicet honorabilem virum magistrum Thomam de Bodok socium et concanonicum nostrum ad ea in praemissis literis reambulatoriis contenta et fideliter peragenda nostro pro testimonio transmisissemus fide dignum. Qui tandem exinde ad nos reversi nobis retulerunt concorditer eomodo, quod ipsi octavo die ante festum sancti Georgy martiris novissimo praeteritum feria videlicet secunda proxima post festum beatorum Tyburcii et Valeriani martirum¹⁾ termino in eiusdem literis specificato et aliis diebus ad id aptis ad faciem dictae possessionis Zenthmyhalhegye vicinis et commentaneis eiusdem universis inibi legitimi convocatis, iudicibus etiam ac hospitibus et nonnullis inhabitatoribus nec non procuratoribus earundem possessionum praesentibus accedendo eandem de praedictarum partium pari voluntate per suas veras metas et antiquas iuxta continentiam privilegii olim condam domini Andreae regis Hungariae et cetera in praeassertis literis reambulatoriis verbotenus inserti novas iuxta veteres in locis necessariis metas apparentes erigendas reambulassent modo et ordine infrascripto. Quod primo incepissent in pede alpium a parte orienti penes quendam rivulum, qui progreditur ex praedictis alpibus, penes [S. 397] quem unam novam metam terream erexissent, quae ab occidentali terrae montis sancti Michaelis, ab oriente vero partibus villae Heltha distingueret. Deinde per eandem rivulum aliquantulum descendendo per quandam viam de dicto rivulo exilientem versus Heltha per quam venitur ad quandam vallem in radice cuius novam et aliam veterem renovando erexissent. Quarum una videlicet ab occidentali modo simili terrae montis sancti Michaelis alia vero ab orientali plagis possessioni Heltha distingueret. Inde descendendo in dictam vallem in qua rivulus quidam fluit versus septemtrionem, quemquidem rivulum ab occidentali terrae montis sancti Michaelis ab orientali vero plagis possessioni Heltha distinguentem reliquissent. Deinde per eundem rivulum descendendo iuxta quandam piscinam, unam novam metam terream modo superius notato distinguentum erexissent. Inde per ipsum rivulum iterum descendendo versus septemtrionem usque ad planicies et fenilia prope quendam fluvium, qui fluit de dicta villa montis sancti Michaelis ad villam Heltha in superiori parte quarundam piscinarum populorum et inhabitatorum possessionis Heltha praedictae, unam metam terream modo simili ab orientali ipsi terrae montis sancti Michaelis, ab occidentali vero plagis possessionem Heltha sequestrante erexissent. Indeque paululum procedendo et dictum fluvium pertranseundo inter fenilia versus promontorium vinearum et pomeriorum a parte septentrionali existentia in radice eiusdem promontorii circa quandam viam quae ascendit in quodam valliculo unam novam metam terream modo praenominato distingvente erexissent. Deinde ascendendo per eandem viam ad cacuminem dicti promontorii in eodem cacumine unam metam terream alias per egregium Johannem Gereb de Vingarth erectam renovando, de partium praedictarum unanimi voluntate modo superius nominato sequestrantes reliquissent. Ab indeque eundo similiter versus septentrionem quantum iactus esset lapidis et cadendo in quoddam fossatum. et per ipsum fossatum descendendo ad quandam vallem, quae in lingva Saxonica Bothnsyffen vocatur in qua quidam rivulus descendit penes quem in nemoribus a parte orientali unam novam metam terream modo annotato distinguentem erexissent. Deinde ipsum rivulum persaliendo versus septemtrionem eundo per unam viam versus septemptrionalem partem praedictam in latere cuisdam monticuli, qui vocatur Methelkrok in lingva vero hungarica Kezepberch unam novam metam terream modo simili ab occidentali ipsi terrae montis sancti Michaelis, ab orientali vero partibus villae Heltha sequestrantem erexissent. Ex indeque eundo similiter versus septemtrionem ascendendo ad quendam montem in cuius cacumine in fine cuiusdam magnae silvae circa quandam antiquam metam unam metam terream alias per dictum Johannem Gereb erectam renovando modo superius specificato distingventem de partium praedictarum voluntate reliquissent. Ubi metae ipsius possessionis Zenthmyhalhegye a parte occidentalis a parte orientalis dictae villae Heltha terminarentur. Datum sedecimo die diei reambulationis et erectionis praenotatarum, anno domini millesimo quadringentesimo sexagesimo nono.


1) April 17. Ein schlagender Beweis für den Georgstag am 24. April.^{^}