Urkunde Nr. 3710 aus Band VI

Seite im UB:

397-398

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 299.

Druckvorlage:

nach Original

Abdruck als:

Volltext

Sprache:

Latein

---

3710

Olmütz 1469 Mai 3 König Matthias teilt dem Rat von Hermannstadt mit, dass er zum König von Böhmen gewählt wurde.

[S. 398]Von der Kanzlei: Commissio domini regis.

Mathias dei gratia rex Hungariae et cetera. Prudentes et circumspecti fideles nobis dilecti inter alia nova quae hic acta sunt fidelitati vestrae istud significamus, quod conventibus in hac civitate Olomucensi in unum, omnibus fere maioribus et proceribus christianis Bohemiae, Silesiae, Lusaciae et Moraviae sub obedientia sanctae Romanae ecclesiae existentibus quia necessitas rerum fidei, et etiam multae aliae causae ita urgebant, ipsi hodie nos uno voto omnes in regem Bohemiae elegerunt. Cuiquidem electioni eorum precibus inducti de consilio reverendissimorum dominorum apostolicae¹⁾ sedis¹⁾ legatorum¹⁾, ex causis rationabilibus consensimus, sperantes inde tum regni nostro Hungariae, tum rebus fidei, evenire bonum non mediocre. Accipiat ergo fidelitas vestra hanc nostram electionem in bonam partem, et aucto honori nostro cum aliis fidelibus nostris congaudeat. Datum in Olomucz in festo inventionis sanctae crucis, anno domini millesimo quadringentesimo sexagesimo nono, regni nostri anno duodecimo, coronationis vero sexto.

Auf der Rückseite Adresse: Prudentibus et circumspectis magistro civium, iudici et iuratis ceterisque civibus civitatis nostrae Cibiniensis fidelibus nobis dilectis.


1) Auf Rasur. [3x]^{^}