Urkunde Nr. 3712 aus Band VI

Seite im UB:

399

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 300.

Druckvorlage:

nach Original

Abdruck als:

Volltext

Sprache:

Latein

---

3712

Grosspropstdorf 1469 Mai 11 Johannes, Pfarrer von Grosspropstdorf, rechtfertigt sich vor dem Bürgermeister Nikolaus Aurifaber von Hermannstadt wegen angeblicher Einmischung in weltliche Gerechtsame.

Devotarum orationum suffragia assidue ad Christum effundenda pro vestri corporis incolumitate atque animae salute. Domine mi praedilecte. Dominationis scriptum plenius percepi quomodo iuribus me vestris intromittere velim et pauperes in villis quibus dominamini aggravarem. Peto humiliter michi talia non ascribere et ipsis accusatoribus talium rerum sinistris fidem non adhibere creditivam, sed vestra debeat dominatio firmiter et absque ulla scire ambiguitate me¹⁾ vestri esse iuris pro vobis pertinentem roboratorem et augmentatorem fidelissimum. Et dictores aliter glisco enodari, ut hoc de me probaverit. Licet indigne ad decanatus officium positus sum, utor tamen ratione a deo concessa mihi, ut scire possum quid facere in hoc debeam officio. Si tunc inoboedientes et contra forum aliqui spirituale essent vel fierent excedentes et ad huiuscemodi liturghiam pertinentes credo, quod vestra non obstaret dominatio sed de mihi scriptis et causis obiectis abnutatum et alienatum habere velitis, quia istarum sum causarum innocens. Item domine mi propter mea peto servitia vobis fienda et praesentium latorem clippei vestri protectione defendere velitis propter deum et protegere, quia nonnunquam in illa villa Eckemezew minori occupaverim plebaniam et modo per longa sum scilicet tempora vicarius. Nunquam ego nec meorum quis plebisanorum audivimus aliud, quam quid recti est honoris et famae laudabilis de ipsius uxore et etiam ab eiusdem villae²⁾ inhabitatoribus quam inhabitat quidquam sinistri non audivimus nec scivimus sed vestra bene valeat dominatio secundum pacto tales personarum discretarum corrigere accusatores et diffamatores sine pacto bonarum privatione vel dampnificatione et debeat facere ut ceteris esset hoc exemplum et a talibus desisterent malitiis. Ex Eckemeczew maiori in domini ascensionis die, anno eiusdem M^o CCCC^o LXIX^o.

Johannes in eadem plebanus,
devotus dominationis vestrae exorator.

Auf der Rückseite Adresse: Magnae circumspectionis et prudentiae viro Nicolao Aurifabro magistro civium Cibiniensi domino sibi praedilecto.


1) Hierauf durchgestrichen esse.^{^}
2) Hierauf s gestrichen.^{^}