Urkunde Nr. 3718 aus Band VI

Seite im UB:

407-408

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 302.

Druckvorlage:

nach Original

Abdruck als:

Volltext

Sprache:

Latein

---

3718

1469 Juni 6 Das Weissenburger Kapitel bezeugt die Einsprache des Rates von Hermannstadt dagegen, dass die Bewohner von Michelsberg ihre Hattertgrenzen auf Stadtgebiet ausgedehnt haben.

Nos capitulum ecclesiae Albensis Transiluanae memoriae commendamus, quod circumspectus vir Georgius Korrad, civis civitatis Cibiniensis, in sua ac circumspectorum virorum Nicolai Aurifabri magistri civium, ac Ladislai Kakas iudicis regii, nec non universorum hospitum et iuratorum civium ac totius communitatis dictae civitatis Cibiniensis personis ad nostram personaliter accedens praesentiam, nobis per modum protestationis et prohibitionis significare curavit in hunc modum. Quod prout ipsi percepissent et ad eorum verisimiliter devenisset notitiam, iudex, iurati ac universi hospites et inhabitatores possessionis montis sancti Michaelis vocatae certas metas novas intra veros limites metarum antiquarum et territorium dictae civitatis Cibiniensis in comitatu Albensi existentis erexissent, per quarum erectionem nonnulas particulas fenilium ipsorum exponentium in dicto territorio ipsorum adiacentium pro se occupassent in praeiudicium et dampnum ac iurium derogamen ipsorum exponentium valde magnum. Unde facta huiusmodi protestatione memoratus Georgius nominibus quibus supra saepefatos iudicem, iuratos nec non hospites et inhabitatores dictae possessionis Zenthmihalhege et alios quoslibet ab erectione metarum praedictarum ac occupatione fenilium, detentioneque et sibi ipsis usurpatione ac statuifactione seque in dominium earundem quovis adinvento colore intromissionem, usuum fructuumque et quarumlibet utilitatum earundem perceptione seu percipifactione quomodolibet factis vel fiendis prohibuit [S. 408] contradicendo publice et manifeste lege et consuetudine regni requirente coram nobis harum nostrarum testimonio literarum mediante. Datum feria tertia proxima post festum sacratissimi corporis Christi, anno eiusdem millesimo quadringentesimo sexagesimo nono.