Urkunde Nr. 3740 aus Band VI

Seite im UB:

419

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 311.

Druckvorlage:

nach Original

Abdruck als:

Volltext

Sprache:

Latein

---

3740

Ofen 1469 September 28 König Matthias gestattet den Sachsen der Sieben und Zwei Stühle ihre Königsrichter, ausgenommen den von Hermannstadt, abzusetzen und neue zu wählen.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos accepta querela pro parte et in personis fidelium nostrorum universorum Saxonum nostrorum in septem et duabus sedibus Saxonicalibus commorantium nobis in eo porrecta, quomodo iudices nostri regales in medio eorundem Saxonum constituti ipsos plurimum molestarent, ac in bonis eorum¹⁾ multas desolationes facerent in praeiudicium ipsorum et dampnum. Supplicatum itaque exstitit maiestati nostrae pro parte eorum Saxonum nostrorum, ut ipsis superinde remedium adhiberemus opportunum, ac id, ut ipsi dictos iudices nostros de medio eorum eicere et alios loco eorum eligere possent et valerent, gratiose annuere et concedere dignaremur. Ideo nos eisdem Saxonibus nostris id annuimus et concessimus, ut ipsi dictos iudices nostros regales, excepto iudice nostro in civitate nostra Cibiniensi constituto, e medio eorum eicere ac alios loco ipsorum eligere valeant atque possint immo annuimus et concedimus praesentium per vigorem. Quocirca vobis praefatis iudicibus nostris in medio dictorum Saxonum nostrorum in praedictis septem et duabus sedibus commorantibus nunc constitutis harum serie firmiter mandamus, quatenus statim visis praesentibus a modo in antea praefatos Saxones nostros in nullo impedire aut aliquam iurisdictionem in eos exercere non praesumatis, nec sitis ausi modo aliquali. Secus ergo non facturi. Praesentibus perlectis exhibenti restitutis. Datum Budae feria quinta proxima ante festum beati Michaelis archangeli, anno domini millesimo quadringentesimo sexagesimo nono, regni nostri anno duodecimo, coronationis vero sexto. [S. 420]


1) Über der Zeile.^{^}