Urkunde Nr. 3746 aus Band VI

Seite im UB:

421-422

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 323.

Druckvorlage:

nach Original

Abdruck als:

Volltext

Sprache:

Latein

---

3746

Pressburg 1469 Oktober 20 König Matthias trägt dem Bischof von Argeş und Gubernator der Kerzer Abtei Raimund auf, sich in Bezug auf die Gebahrung des Abteivermögens den Weisungen der Sieben Stühle unterzuordnen.

[S. 422]Von der Kanzlei: Commissio domini regis.

Mathias dei gratia rex Hungariae, Bohemiae et cetera fideli nostro Raymondo episcopo Argensi, gubernatori abbatiae de Kercz, salutem et gratiam. Relatum est nobis, quomodo vos abbatiam praedictam nunquam bene teneritis et bona eius consumpmeretis inutiliter, divina etiam officia, quae in ecclesia vestra peragi deberent, minime peragerentur. Quae cum nos displicenter audiamus et non velimus, ut bona praedictae abbatiae male et inutiliter consumpmantur, commisimus fidelibus nostris magistris civium ac iudicibus et iuratis senioribus septem sedium Saxonicalium, qui ex antiquo eorum privilegio veri patroni eiusdem abbatiae esse dicuntur, ut ipsi utilitati praescriptae ecclesiae vestrae intendant vosque ab indebita consumptione bonorum ipsius abbatiae per remedia opportuna inhibeant. Mandamus ergo vobis, quatenus praefatis magistris civium ac iudicibus et iuratis senioribus septem sedium Saxonicalium in hiis, quae ipsi tamquam veri patroni in facto bonorum antedictae ecclesiae Kercz fecerint, obedire debeatis. Secus non facturi. Praesentibus perlectis exhibenti restitutis. Datum Posonii feria sexta proxima ante festum beatarum undecim millium virginum, anno domini millesimo quadringentesimo sexagesimo nono, regni nostri anno duodecimo, coronationis vero sexto.

Auf der Rückseite von gleichzeitiger Hand: Mandatoria et comissia provisionis abbatiae Kercz.