Urkunde Nr. 3763 aus Band VI

Seite im UB:

430-431 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 316.

Druckvorlage:

nach Original

Abdruck als:

Volltext

Sprache:

Latein

---

3763

Weingartskirchen 1469 November 28 Johannes Gereb de Vingard fordert die Sieben Stühle auf, mit den „pauperes" der ihnen durch König Matthias verliehenen Besitzungen Fogarasch und Hamlesch bald ins Reine zu kommen. [S. 431]

Johannes Greb et cetera de Wingarth.

Honorabiles, virique circumspecti. Scimus quomodo et Fogaras et Omlas cum eorum pertinentiis a serenissimo domino nostro rege Mathia vestras per petitiones et optata septem sedibus Saxonicalibus condonatum existit. Et quia de praesenti pauperes homines diversimode vexabantur consulibus namque vestris dilectionibus tamquam fideles, ut in tali causa nullam velitis facere prorogationem, sed quam citius poteritis finem faciatis, et de nullo habere penitus pavorem aut aliquam literarum istarum dubitationem. Et nulli hominum dubium sit, quod regia maiestas secus faciet, quam quod conclusum in talibus literis constat. Idcirco de nostro fideli consilio supplicamus, ut iam in ista vestra congregatione huius causae memores esse velitis, et literis istis regalibus hos pauperes ab eorum aggravaminibus eripere velitis, quoniam nobis multum displiceret, si talis causa in nihilum redigeretur. Ergo carissimi¹⁾ tali causae diligentiam adhibeatis, ne in futurum vestrae petitiones coram regia maiestate cassae non²⁾ viderentur et cetera. Ex Wingarth feria 3-a ante vigiliam beati Andreae apostoli, anno domini millesimo quadringentesimo sexagesimo nono.

Auf der Rückseite Adresse: Honorabilibus ac circumspectis viris iudicibus septem sedium Saxonicalium amicis nostris praedilectis, dd.


a) Seitenumbruch nach Kopfregest.^{^}

1) Hierauf gestrichen in.^{^}
2) Über der Zeile.^{^}