Urkunde Nr. 3764 aus Band VI

Seite im UB:

431-432

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 79.

Druckvorlage:

nach Original

Abdruck als:

Volltext

Sprache:

Latein

---

3764

Weissenburg 1469 November 29 ^a) Nikolaus, Archidiakon von Kokelburg, schreibt dem Bistritzer Rat in Angelegenheit des Weinzehnten, des Kirchenzehnten und der dem Rat zustehenden Abgaben von den Bewohnern des Rodnaer Tals.

Circumspecti amici nobis dilecti. Noveritis quia serenissimus dominus Mathias rex Hungariae et cetera dominus noster gratiosus vult, ut vina decimalia, quae apud vos ratione decimarum provenerunt, ibidem exponantur pretio; et sic quod ipsa vina per vos recipiatis et exponatis eodem pretio quemadmodum apud vos solvunt vina pretium vero eorundem ad festum beati Georgii martyris proxime venturum¹⁾ plenarie exsolvere debeatis. Unde etiam literas suae serenitatis videritis et nos commisimus decimatori, ut ad manus vestras assignet sub numero vasorum. Dicitur etiam nobis, quod aliqui villani iura et census ecclesiae extradare et persolvere nollent, quare requirimus vos, ut iudices et villicos talium letorum praesertim qui notabuntur per hominem nostrum ad id deputatum convocare debeatis et cum eisdem integrae census ut praefertur ecclesiarum suarum exsolvere faciatis. Alioquin commisimus ipsi homini nostro Valentino presbytero, ut de talibus etiam cum gravamine et onere captivitatis extorquere debeat. Item scitis quod ipsa regia serenitas ex speciali gratia et benevolentia suae serenitatis Radnavelge cum suis pertinentiis vobis et civitati vestrae condonavit et²⁾ appropriavit, cum constat vobis, quod inantea plurimas ab ipsis percepistis insidias et molestias, nunc autem vobis sunt subiugati et sub potestate vestra positi. Unde non parvas potestis refundere grates domino [S. 432] deo et regiae serenitati, quod adeo estis dotati et nobilitati. Incolae vero eiusdem Radnavelge sunt dicati sicuti ceteri regnicolarum, quos omni conatu vestro compellatis, quatenus iuxta connumerationem portarum inter eosdem factum brevi tempore satisfacere debeant, quoniam per omnia in vestra potestate sunt, per vosque iura ipsius domini nostri domini regis extorquere de medio ipsorum quoquomodo debent. Ex Albagywla in vigilia beati Andreae apostoli, anno domini M^o et cetera LX^o nono.

Nicolaus, archidiaconus
de Kykellew et cetera.

Auf der Rückseite Adresse: Circumspectis viris iudici et iuratis civibus civitatis Bistriciensis amicis nobis dilectis.


a) Ausstellungsort im UB als: Weißenburg.^{^}

1) April 23.^{^}
2) Hierauf durchgestrichen: quod. ^{^}