Urkunde Nr. 3765 aus Band VI

Seite im UB:

432

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 26.

Druckvorlage:

nach Original

Abdruck als:

Volltext

Sprache:

Latein

---

3765

Grosswardein 1469 Dezember 5 Laurentius de Bayon, Graf der Salzkammern von Thorenburg und Salzburg, schreibt dem Hermannstädter Bürgermeister Nikolaus Aurifaber in Goldschmiedeangelegenheiten.

Prudens et circumspecte vir, amice noster dilecte. Scripta vestra ex parte illius cuppae magistri Clementis accepimus. Quare petimus vos multum gratanter, quatenus illam magistri Clementis apparetis etiam partes vestras, ut pro octoginta florenis auri ematis nobis quia opportet praesentare domino thesaurario et scripsimus Anthonio vicecamerario nostro de Wyzakna qualiter procedat in hac re. Praeterea accepimus quoddam registrum vestrum de argentis et argenteriis, quae vobis miseramus praeteritis temporibus et sumus contenti qualiter stat. Scribitis nobis, ut teneamur vobis marcas IIII et pisetas XL prout scribitis ex parte pelvis et cetera. Ita esset nisi defectum esset in pisetas XL. Ut nos posuimus teneamur marcas IIII pisetas VI. Praeterea non imposuistis illos sex florenos, quos pridem in Cybinio in asperis dedimus consorti vestrae. Si interponitur tunc tenemur vobis marcas III vel modico minus, tamen illa possumus inter nos disponere et scripsimus Anthonio vicecamerario nostro, ut illas tres marcas argenti vobis solvat. Ex Waradino in profesto beati Nicolai episcopi, anno et cetera 69.

Laurencius de Bayon, Thordensis et
de Wyzakna camerarum comes.

Auf der Rückseite Adresse: Prudenti et circumspecto Nicolao Aurifabro magistro civium civitatis Czybiniensis amico nostro dilecto.