Urkunde Nr. 3772 aus Band VI

Seite im UB:

437-438

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 1469 - Abt. 37: K. A. Reps [Parohia Ev. CA Rupea], Nr. 3.

Druckvorlage:

nach Original

Abdruck als:

Volltext

Sprache:

Latein

---

3772

Ofen 1469 Dezember 28 König Matthias verleiht die in der Weissenburger Gespanschaft gelegenen Besitzungen des erbenlos verstorbenen Symon de Rakos dem Geschlecht der Thabiasy. [S. 438]

Von der Kanzlei: Commissio domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos attentis et consideratis fidelitate et fidelibus servitiis fidelis nostri egregii magistri Ladislai filii Georgii Thabiasy de Eczel, notarii cancellariae nostrae, per eum nobis iuxta suae possibilitatis exigentiam exhibitis et impensis universos portiones possessionarias Symonis de Rakos ubivis in comitatu Albensis Transsilvaniae existentes, quae per defectum seminis eiusdem ad sacram praedicti regni nostri Hungariae coronam tandemque nostram maiestatem iuxta antiquam et approbatam eiusdem regni nostri consuetudinem rite¹⁾ et legitime devolutae esse perhibentur. Item totum et omne ius nostrum regium, si quod etiam alias in eisdem qualitercumque haberemus aut nostram ex quibuscumque causis viis modis et rationibus concernerent maiestatem simulcum cunctis suis utilitatibus et pertinentiis quibuslibet terris scilicet arabilibus cultis et incultis, agris, pratis, pascuis, fenetis, campis, silvis, nemoribus, virgultis, montibus, vallibus, vineis vinearumque promontoriis, aquis, fluviis, piscinis, piscaturis aquarumque decursibus, molendinis et locis molendinorum ac generaliter quarumlibet utilitatum et pertinentiarum suarum integritatibus, quovis nominis vocabulo vocitatis sub ipsorum veris metis et antiquis praemissis sic ut praefertur stantibus et se habentibus annotato magistro Ladislao et per eum praedicto Georgio patri ac Thobiae et Stephano fratribus suis carnalibus ipsorumque heredibus et posteritatibus universis dedimus, donavimus et contulimus immo damus, donamus et conferimus iure perpetuo et irrevocabiliter tenendum, possidendum pariter et habendum salvo iure alieno harum nostrarum vigore et testimonio literarum mediante. Quas in formam nostri privilegii redigi faciemus, dum nobis in specie fuerint reportatae. Datum Budae in festo Innocentum, anno domini millesimo quadringentesimo sexagesimo nono, regnorum nostrorum anno Hungariae duodecimo, coronationis sexto, Bohemiae vero primo.

Von der Kanzlei: Regestrata folio CCC III. M. Iusth.

Auf der Rückseite von der Hand des Königsrichters Markus Pemfflinger: Donatio Mathiae regis super bonis Simonis Rakossy.


1) Vorlage ritte. ^{^}