Urkunde Nr. 3782 aus Band VI

Seite im UB:

443

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 328.

Druckvorlage:

nach Original

Abdruck als:

Volltext

Sprache:

Latein

---

3782

Bruck a. L. 1470 Februar 8 König Matthias verbietet die Ausfuhr von Getreide in die Walachei.

Von der Kanzlei: Commissio domini regis.

Mathias dei gratia rex Hungariae, Bohemiae et cetera fidelibus nostris prudentibus et circumspectis magistro civium, iudicibus et iuratis consulibus septem sedium Saxonicalium partium Transsiluanarum regni nostri salutem et gratiam. Intelleximus, quomodo in dictis septem sedibus Saxonicalibus, ex eo, quod Volachi ad partes Transalpinas triticum, milium et avenam ac alias fruges educerent, adeo magna caristia esset, ut iam in quibusdam sedibus de avena, milio et ordeo panes necessarios conficerent, quod vobis et Saxonibus ipsarum sedium maximum causaret turbationem. Volentes igitur huic rei de remedio opportuno providere, fidelitati vestrae firmiter mandamus, quatenus receptis praesentibus ubique in dictis septem sedibus Saxonicalibus proclamari facere debeatis, ut nemo triticum, milium, avenam et alias fruges de Transsiluania annotatis Volahis vendere debeat, contrafacientes vero per eorum gravamina ab id faciendum compellatis, auctoritate nostra praesentibus vobis in hac parte attributa et iustitia mediante. Secus non facturi. Praesentibus perlectis exhibenti restitutis. Datum in civitate Prwk feria quinta proxima post festum beatae Dorotheae virginis et martyris, anno domini millesimo quadringentesimo septuagesimo, regni nostri anno duodecimo, coronationis vero sexto.

Auf der Rückseite von gleichzeitiger Hand: Contra ductores frugum in Transalpinas et alias partes 1470.