Urkunde Nr. 3785 aus Band VI
- Seite im UB:
- 445
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Druckvorlage:
- nach Manuskript 19. Jahrhundert
- Abdruck als:
- Volltext
- Sprache:
- Latein
3785
Wien 1470 Februar 21 König Matthias verbietet seinen Steuereinnehmern, die Bistritzer Pertinentien mit erhöhten Steuerforderungen zu belästigen. Abschrift Arh. St. Sibiu, Manuskript Zimmermann des Urkundenbuches VIII, Nr. 66 nach dem heute verschollenen Orig. Pap. im Archiv der Stadt Bistriţa.
Regest: Archiv. Zeitschrift (
») XII, 1887, 85. Berger, Urkunden-Regesten (
») 39 Nr. 212. Berger - Wagner, Urkunden-Regesten (
») I, 66-67 Nr. 212. + nach dem Orig. Papier mit stark beschädigtem Siegel im Bestand Stadt Bistritz.
Commissio propria domini regis.
Mathias dei gratia rex Hungariae, Bohemiae et cetera fidelibus nostris dicatoribus et exactoribus censuum seu taxarum ordinariarum in medio populorum et iobagionum nostrorum in pertinentiis civitatis nostrae Bystriciensis commorantium nunc constitutis et in futurum constituendis salutem et gratiam. Exponunt nobis fideles nostri circumspecti iudex et iurati cives dictae civitatis nostrae Bystriciensis in ipsorum ac ceterorum populorum et iobagionum nostrorum in dictis pertinentiis ipsius civitatis nostrae commorantium ad modum querelae, quomodo vos ipsos contra libertates eorum antiquas ad exolvendos census eorum ordinarios, quos ipsi singulis annis in festo beati Martini episcopi et confessoris de singulis tribus aratris secundum limitationem in medio eorum alias habitam nobis solvere tenentur, ultra numerum portarum populosarum compelleretis in praeiudicium libertatum eorum et dampnum non modicum, Unde supplicarunt, per nos ipsis superinde opportune provideri, et quia nos praefatos populos et iobagiones nostros ultra antiquas eorum libertates per eos gravari nolumus, ideo fidelitati vestrae mandamus, quatenus receptis praesentibus praefatos populos et iobagiones nostros in pertinentiis praedictae civitatis nostrae commorantes, ultra numerum portarum populosarum ad exolvendos ipsos census eorum ordinarios non compellatis, sed huiusmodi census eorum super eos iuxta limitationem eorum alias in medio eorum habitam ab eis exigatis. Et secus facere nullomodo praesumatis, praesentibus perlectis exhibenti restitutis. Datum Wyennae in profesto cathedrae beati Petri apostoli, anno domini millesimo quadringentesimo septuagesimo, regni nostri anno duodecimo, coronationis vero sexto.