Urkunde Nr. 3792 aus Band VI

Seite im UB:

449-450

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 210 - Abt. 13: K. A. Mediasch [Parohia Ev. CA Mediaş], Nr. 21 (alt Nr. 43).

Druckvorlage:

nach Original

Abdruck als:

Volltext

Sprache:

Latein

---

3792

Mediasch 1470 März 16 Die Richter und Geschworenen der Zwei Stühle beurkunden ein Abkommen, das Richter und Rat von Mediasch mit Georg Thabiaschi von Hetzeldorf hinsichtlich eines von diesem in Mediasch zu errichtenden Gebäudes geschlossen haben.

Cum facta hominum more fluvii decurrentis elabentia diuturnitate temporum interveniente memoria penitus subtrahantur expedit ex literarum testimonio confoveri. Nos igitur iudices iuratique seniores duarum sedium Saxonicalium partium Transsilvanensium ad notitiam universorum praesentium quam futurorum tenore praesenti quibus expedit volumus pervenire, quod cum nos anno et die subscriptis ratione certorum negotiorum tractandorum nostra in generali congregatione convenissemus ac in domo prudentis et circumspecti Johannis Rewel, iudicis opidi Megyes, consedissemus, nostri in medium se erigentes nobilis et egregius Georius¹⁾ Thabiassy de Eczel ab una, partium siquidem ex altera prudentes et circumspecti praefatus Johannes Rewel, Martinus Faber villicus, Nicolaus Gereb, Laurencius Aurifaber ceterique iurati cives praefati opidi Megyes, quiquidem nomine et in persona totius consulatus et communitatis coram nobis conscientiose profitentes et publice recognoscentes, quomodo praefatus dominus Georius¹⁾ de Eczel saepe saepiusque ipsis supplicasset, ut ipsi tacti cives ac populares in dicto opido commorantes in medio ipsorum fundum, terrae seu curiae, quam in honorem et decus totius opidi in eviternam memoriam construere et aedificare se asseruisset, annuerunt et faverent. Quapropter iidem cives unacum tota communitate sano consilio maturaque deliberatione prius superinde habitis ob diversorum beneficiorum ac humanitatum merita per tactum dominum Georium¹⁾ ipsi opido et ipsorum cuilibet exhibitis et in futurum exhibentibus unde aequanimitatem et satisfactionem pro eisdem meritis et beneficiis minime reddere valentes haec et consimilia dicti cives unacum tota communitate intuentes pari voto animoque bene diu deliberato nobis praesentibus supplicationem dicti Georii¹⁾ Thabyas acquiescentes et condescendentes quandam domum seu fundum curiae semilabifactam relictae [S. 450] videlicet quondam Johannis Bwdner longe quintam domum videlicet a domo aciali contigua per plateam Fwrkas a parte sinistra in medio circuli sitam descendentem secundum eius latitudinem, longitudinem et profunditatem, cum omnibus suis pertinentiis utilitatibus, fructibus, proventibus et aliis omnibus et singulis quibus praedecessores eiusdem domus seu fundi in generali et speciali usi et freti habebantur, dicto domino Georio¹⁾ Thabyasy suisque heredibus aut heredum successoribus pacifice tenendam, habendam, possidendam et in quoscumque pios usus convertendam, vendendam, alienandam, commutandam unacum certis debitis puta florenis octoginta pro eadem domo seu fundo persolvendis omnino relaxandis nulla unquam temporum successione praesentium quam futurorum sub hipoteca et obligamine florenorum tricentorum nullatenus contradicendum, revocandum aut contraveniendum, quorum unum pro aedificio seu fabrica ecclesiae, secundum ipsis iudicibus duarum sedium et tertium egregio domino Georio¹⁾ Thabyassy aut suis heredibus et cetera, ita quod si quis pro futuris temporibus foret, qui iussu suo quicumquam temerarie contra praedictam agere attentaverit ante omnia praenarratis tricentum florenis victus habeatur quosquidem prae omnibus et super omnia deponere et solvere debeat et teneatur. Istis itaque omnibus praemissis servatis, idem dominus Georius¹⁾ ipsum aedificium erigendo et construendo prout compromiserat effective adimplere sit obligatus, quiquidem dominus Georius¹⁾ Thabyasy coram nobis ad praemissa omnia et singula sponte se obligavit. Quare idem dominus Georius¹⁾ unacum praenotatis iuratis civibus petentibus nos debita cum instantia, quatenus literas nostras fassionales de et super praemissis sonantes favorabiliter conferre dignaremur, Sed quia iustis et licitis petitionibus non est denegandus assensus, hinc est quod nos has praesentes literas nostras dicto domino Georio¹⁾ suisque heredibus ut praemittitur super praemissa sonantes ad maioris evidentiae cautelam duximus concendendas. In cuius rei testimonium earundem literarum sigillo nostro sub appendenti communiri facimus vigore et testimonio mediante. Datum in Megyes sexta feria sequenti dominicam Invocavit, anno millesimo quadringentesimo septuagesimo.


a) Im UB Abbildung des Siegels der Zwei Stühle auf Tafel VI, Bild 4, unten als »Abb. ^{^}

1) So Vorlage. [10x]^{^}

Abb.