Urkunde Nr. 3801 aus Band VI

Seite im UB:

455-456

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 331.

Druckvorlage:

nach Original

Abdruck als:

Volltext

Sprache:

Latein

---

3801

Hermannstadt 1470 Mai 8 Pfarrer Sigismund von Salzburg, Dekan des Hermannstädter Kapitels, beglaubigt für Klara, die Witwe des Gräfen Peter von Rothberg, und deren Sohn Johannes die Urkunden des Konvents von Kolozsmonostor von 1460 Nr. »3212 und des Weissenburger Kapitels von 1460 Nr. »3242 mit der Urkunde der Vizewoiwoden Sigismund und Nikolaus von 1460 Nr. »3240.

Sigismundus de Salisfodio decanus Cibiniensis tenore praesentium significamus universis praesens transsumptum seu literas inspecturis sinceram in domino caritatem, eisdemque fidem indubiam adhibere. Cum non nunquam propter viarum discrimina hostiles incursus, aquarumque inundationes et eventus, qui variabiles sunt, originalia perdi solent et amitti, et inde dispendia non modica evenire. Volens itaque virtuosa domina Clara relicta nobilis viri Petri Greb de Weresmorth, alias iudicis regiae maiestatis sedis Zeredohel civis civitatis Cibiniensis, pro se et pro filio suo Johanne praemissis quantum potuit obviare, quasdam duas literas, unam conventus de Colosmonostra de cera glancea sigillo rotundo imaginem gloriosissimi virginis Mariae sedentem, filium in sinistro brachio, cum pluribus aliis insigniis in eodem sigillo sculptis, et circumferentias scripturarum habentem, in dorso ab extris per eundem conventum autenticatum, secundam vero literam venerabilis capituli ecclesiae Albensis Transsiluanae similiter glancea cera sigillo, in quo angelus videlicet imago sancti Michaelis archangeli extentis alis, hasta draconem obrutum sub pedibus sculptum et circumferentiam scripturarum more ipsius capituli impendenti sigillatam, coram nobis ac infrascriptis dominis nostris huius Cibiniensis capituli confratribus, nostroque approbato publico notario, cum Cibinii essemus die datarum praesentium constituti, exhibuit atque produxit petens nos debita cum instantia, quatenus dictas literas videre et auscultare de eisdemque fidem et literas quas vidimus appellantur ex ipsis originalibus literis transsumptum fieri et transsumi dignaremur, nostri officio sub sigillo dare et assignare ac autenticare. Quarum literarum tenor conventus de Coloschmonstra est is: (Folgt die Urkunde des Konvents von Kolozsmonostor von 1460 Nr. »3212). Tenor secundae literae sequitur et est talis: (Folgt die Urkunde des Weissenburger Kapitels von 1460 Nr. »3242 mit der Urkunde der Vizewoiwoden Sigismund und Nikolaus von 1460 Nr. »3240). Nos vero petitionibus huiusmodi supradictae dominae Clarae tamquam rationalibus inclinati, dictas literas ad nos recepimus et cum infrascriptis dominis nostri capituli Cibiniensis confratribus ac notario nostro autentico approbato fideliter auscultavimus. Et quia eas sanas, integras et illaesas, omnique prorsus vitio et suspitione carere invenimus, easdem transsumi fecimus, nil addito vel mutato, quod sensum ac intellectum variare posset, volentes et decernentes, ut praesenti nostro transsumpto tamquam ipsis literis originalibus ubique locorum in iudicio et extra fides plenaria possit et debeat adhiberi. In quorum omnium et singulorum fidem robur evidensque testimonium praemissorum praesentes literas sigillo nostri officii iussimus appensione communiri. Acta et facta sunt haec anno domini millesimo quadringentesimo septuagesimo, feria videlicet tertia proxima post festum sancti Johannis ante portam latinam, praesentibus ibidem venerabili ac honorabilibus viris dominis Valentino de Cibinio plebano, ecclesiae Albensis Transsiluanae canonico, Petro de parvo Schwer, Casparo de Hanebako, Petro de villa Humperti, Michaele de [S. 456] Dalheym ecclesiarum parochialium plebanis, et pluribus fidedignis literatis personis inibi ubi iura reddi solent et iudicium constitutis testibus ad praemissa vocatis specialiter et rogatis.

Et ego Urbanus Petri de Stynawia clericus Wratisslaviensis diocesis publicus notarius in praemissis.


a) Im UB Abbildung des Siegels des Hermannstädter Dekanates auf Tafel VII, Bild 3, unten als »Abb. ^{^}

Abb.