Urkunde Nr. 426 aus Band I

Seite im UB:

388

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 2256.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

426

Reps 1324 September 2 Woiwode Thomas bezeugt, dass Ladislaus, Sohn Stephan Lebee's, seine Besitzung Szentmarton seinen Brüdern Michael und Paul und Tumpa, dem Sohn Impur's, hinterlassen hat.

Nos Thomas vaivoda Transsiluanus et comes de Zonuk et de Cybinio memoriae commendantes significamus quibus expedit universis, quod cum ex praecepto domini nostri regis Karoli dei gratia illustris regis¹⁾ Hungariae una cum regni nobilibus ac aliis regnicolis partis Transsiluanae exercitum validum contra aemulos et infideles eiusdem domini nostri ac regni partis Transsiluanae fecissemus, cum Ladizlaus filius Stephani dicti Lebee de sancto Martino in eodem exercitu praesentissime fideliter studuit domino regi et nobis complacere et fidelitatibus suis domino nostro regi et nobis impendendis²⁾ sub castro Kuholm idem Ladizlaus filius Stephani carnis ingressus est corruptelam, tum³⁾ praedictus Ladizlaus possessionem suam sanctum Martinum fratribus suis Mychaeli filio Petri, Paulo fratri eiusdem Mychaelis, Tumpa filio Inipur, qui nobis in eodem exercitu specialiter adhaeserant,⁴⁾ commisit eisdem perpetuo et irrevocabiliter in filios filiorum possidendam, tenendam et habendam tamquam suam hereditariam. In cuius rei memoriam praesentes concessimus literas sigilli nostri munimine roboratas. Datum sub castro Kuholm, in dominica proxima ante festum nativitatis virginis gloriosae, anno domini M^o. C^o. C^o. C^o. XX^mo. quarto.


1) Vorlage: regi.^{^}
2) Vorlage: impendentis.^{^}
3) Vorlage: cum.^{^}
4) Vorlage: adherat [Abkürzungsstrich über era].^{^}