Urkunde Nr. 3832 aus Band VI

Seite im UB:

472-473

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 333.

Druckvorlage:

nach Original

Abdruck als:

Volltext

Sprache:

Latein

---

3832

Ofen 1470 November 29 König Matthias weist Georg Feyer an, die in seinem Namen beschlagnahmten Güter des erbenlos verstorbenen Simon Guldenmünzer der Stadt Hermannstadt zurückzustellen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fideli nostro circumspecto Georgio Feyer salutem et gratiam. Expositum est nostrae maiestati in personis fidelium nostrorum circumspectorum civium ac totius communitatis civitatis Cibiniensis ad modum gravis querelae, quod quamvis ipsa civitas ea libertate et consuetudine semper et ab antiquo usa et gavisa fuerit, ut dum et quando aliquem ex ipsis ab hac luce absque heredibus decedere contingeret, extunc domus et aliae hereditates talis decedentis ad constructionem et aedificationem eiusdem civitatis¹⁾ recipi et exponi deberent. Tamen tu non curata huiusmodi eorum libertate et consuetudine, quandam domum condam Symonis auricusoris allegando eundem absque heredum solatione vita decessisse nomine nostro occupasses. Cum tamen etiam si eadem civitas nostra praemissa non uteretur libertate, huiusmodi domus ac aliae hereditates ipsius condam Simonis, neminem alium nisi Johannem fratrem eiusdem concivem scilicet eorundem exponentium, cui etiam idem condam Symon easdem domus et hereditates comississet et legasset, concernere viderentur. Supplicatum itaque est in personis dictorum exponentium ipsis superinde per nos opportune provideri. Unde nos praetactam civitatem nostram in suis libertatibus et consuetudinibus conservari volentes, fidelitati tuae firmiter mandamus, quatenus statim visis praesentibus praedictam domum ac alias hereditates per te modo praemisso occupatas eisdem exponentibus remittere manusque tuas de eisdem excipere debeas et tenearis. Secus non facturus. Praesentibus perlectis exhibenti restitutis. Datum Budae in vigilia festi beati Andreae apostoli, anno domini millesimo quadringentesimo septuagesimo, regni nostri anno tredecimo, coronationis vero spetimo. [S. 473]

Unten von der Kanzlei: Fiat registratio.

Darunter rechts: Lecta.

Auf der Rückseite von gleichzeitiger Hand: Ne bona aliquo occupentur ei aut bona defunctis parentibus et cetera.


1) Über der Zeile.^{^}