Urkunde Nr. 3833 aus Band VI

Seite im UB:

473-474

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 45 442.

Druckvorlage:

nach Original

Abdruck als:

Volltext

Sprache:

Latein

---

3833

Ofen 1470 Dezember 6 König Matthias trägt den siebenbürgischen Woiwoden und Vizewoiwoden auf, Ladislaus und Georg Thabiassy von Hetzeldorf im Besitz der ihnen nach dem siebenbürgischen Aufstand zugesprochenen Güter gegenüber Ansprüchen des Johannes und Michael von Mergeln zu schützen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris magnificis waywodis partium regni nostri Transsilvanarum vel eorum vicewaywodis salutem et gratiam. Gravem querelam fidelis nostri nobilis magistri Ladislai filii Georgii Thabyasy de Eczel, notarii cancellariae nostrae, in sua ac eiusdem Georgii patris sui personis nobis porrectam, accepimus quod cum annis superioribus in dictis partibus Transsilvanis nonnulli erigenarum contra celsitudinem nostram, cervices suos erigendo a vera fidelitate et obedientia nostra recessissent, inter quos etiam quidam Johannes de Margondal et Michael, filius eiusdem, conditioni suae nobilitatis labe perfidiae et infidelitatis nota contaminare non erubescerent et quendam potiorem civem nostrum Michaelem Knol dictum de Zenthagatha de huiusmodi infidelitate sua eum redarguentes nece miserabili interemissent. Tunc licet nos eisdem exponentibus tamquam fidelibus nostris et contra illos infideles partem nostram foventes universas possessiones et bona ipsius Johannis et Michaelis, filii¹⁾ sui veluti infidelium notoriorum in perpetuum dederimus et donaverimus ipsique dominium eorundem sibi statui fecerint. Et tandem reportatis ad nos ipsis litteris nostris donationalibus et statutoriis confirmationem nostram super eis obtinerint, possideantque eadem bona vigore earundem pacifice. Tamen nunc iidem Johannes et Michael se vigoris cuiusdam gratiae nostrae iam fideles esse allegantes, eosdem exponentes in eisdem bonis impetere non iure mediante sed violentia quadam sua et aliorum vellent, in eorum praeiudicium et dampnum. Unde supplicarunt sibi per nos circa praemissa remedium adhiberi et cum nos recognoscamus dictos Johannem et Michaelem notorios infideles nostros fuisse et exeo de praefatis bonis et possessionibus eorum annotatis fidelibus nostris donationem fecisse. Nolentes igitur ipsos in eisdem sive iure impeti sive turbari, fidelitati vestrae mandamus, quatenus receptis praesentibus eosdem exponentes contra dictum Johannem et Michaele[m fil]ium²⁾ suum ac egregium Johannem de Vingarth, qui eos fovere iniuste dicitur si aliterquam iure mediante agere vellent, in eisdem bonis protegere debeatis nec ad [ ]nas³⁾ preces eorundem Johannis et Michaelis aut ad aliquas literas non iuridicas quicumque sine lege in facto ipsorum bonorum facere praesumatis; possunt enim et debent iidem Johannes et Michael in facto praemisso coram vobis primum et deinde si volue-[S. 474] rint coram nobis iuridice procedere, quibus iudicium et iustitia non deerit evidens et condigna, prout [dic]tabit⁴⁾ ordo iuris. Et sic etiam utrum praenotata gratia nostra vigorem quoad bona praefata habeat, decerni poterit. Secus ergo non facturi. Praesentibus perlectis exhibenti restitutis. Datum Budae in festo beati Nicolai episcopi et confessori, anno domini millesimo quadringentesimo septuagesimo, regni nostri anno tredecimo, coronationis vero septimo.

Rechts unten von der Kanzlei: Lecta.


1) Über der Zeile.^{^}
2) Lücke 8 mm.^{^}
3) Lücke 10 mm.^{^}
4) Lücke 4 mm.^{^}