Urkunde Nr. 3838 aus Band VI

Seite im UB:

476-477

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 505 - Abt. 21:K. A. Hermannstadt [Parohia Ev. CA Sibiu], Nr. 15.

Druckvorlage:

nach Original

Abdruck als:

Volltext

Sprache:

Latein

---

3838

Ofen 1470 Dezember 30 König Matthias bestätigt die Sachsen Siebenbürgens in ihrer Freiheit von Vorspann- und Verpflegungsdiensten.

Nos Mathias dei gratia rex Hungariae, Bohemiae et cetera memoriae commendamus per praesentes, quod cum Saxones nostri ex eorum simplicitate nonnullis ad eos aliquando sive importune sive aliter accedentibus subvenire compellantur et exinde hactenus in equis, in victualibus et in aliis rebus non parva dampna suscepisse et deinceps suscipere intelligamus, si non eis condignum remedium adhibeatur. Nos igitur volentes ipsos tamquam coronae nostrae singulares et praecipuos populos et colonos ab hiis et aliis impedimentis ipsorum praecavere edicimus prout etiam antiquae libertates eorum a divis regibus nostris scilicet praedecessoribus concessae requirunt, ut nullus omnino hominum eis invitis sive equos sive victualia aut muneralia aliasque res ab eis exigere possit et valeat, nisi si cum literis nostris rationes et causas explicantibus. Quare haec facere tenerentur in medium eorum alicui [i]re¹⁾ contingat. Quocirca omnibus tam nostris quam aliorum quorumcumque subditorum nostrorum hominibus mandamus, quatenus haec mandata nostra ubique et in omnibus civitatibus, opidis et villis ac²⁾ possessionibus Saxonum nostrorum in partibus nostris Transsilvanis existentium inviolabiliter observare debeant et teneantur, nec uniquoque voluntatem Saxonum nostrorum in medio eorum de aliquibus rebus se ingerant, si gratiam nostram optinere et alias si indignationem nostram et periculum eorum evitare cupiunt et³⁾ desiderant³⁾. Praesentibus perlectis exhibenti restitutis. Datum Budae die dominico proximo ante festum circumcisionis domini⁴⁾, anno eiusdem millesimo quadringentesimo septuagesimo⁵⁾, regni nostri anno tredecimo, coronationis vero septimo.

Von der Kanzlei: Ad relationem Johannis Ernst thesaurarii.

Rechts unten: Lecta M. [S. 477]

Auf der Rückseite von gleichzeitiger Hand: Exemptoria munerationis et satisdacionis in descensu quorumcumque(6).


1) Lücke 3 mm.^{^}
2) Ausfertigung von 1471 et. ^{^}
3) Fehlt in der Ausfertigung von 1471. [2x]^{^}
4) Ausfertigung von 1471 in festo circumcisionis domini. ^{^}
5) Ausfertigung von 1471 septuagesimo primo. ^{^}
6) Ausfertigung von 1471 Exemptoria de satisfaciendum in descensibus quorumcumque anno domini 1471. ^{^}