Urkunde Nr. 3842 aus Band VI

Seite im UB:

478-479

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 381 - Abt. 13: K. A. Mediasch [Parohia Ev. CA Mediaş], Nr. 192 (alt Nr. 247).

Druckvorlage:

nach Original

Abdruck als:

Volltext

Sprache:

Latein

---

3842

Ofen 1471 Januar 6 König Matthias trägt dem Rat von Mediasch auf, die Mediascher Schuster und Lederer, die sich der Rechte ihrer Hermannstädter Zunftgenossen erfreuen, gegen die Konkurrenz Fremder zu schützen.

Von der Kanzlei: De commissione domini regis.

Mathias dei gratia rex Hungariae, Bohemiae et cetera fidelibus nostris circumspectis iudici et iuratis civibus opidi nostri Megyes salutem et gratiam. Exponitur nobis in personis fidelium nostrorum universorum sutorum et cerdonum in dicto opido nostro commorantibus querulose, quod licet ipsi eandem haberent libertatem et consuetudinem qua sutores et cerdones in civitate nostra Cibiniensi existentes uterentur. Quod videlicet sutores et cerdones advenae extra nundinas in eodem opido calciamenta et eisdem calciamentis necessaria ac cutes quascumque vendere non possent, tamen non curata huiusmodi libertate et consuetudine eorum nonnulli sutores et cerdones extranei in ipso opido Megies calciamenta et eis necessaria ac cutes extra nundinas vendere vellent sicque eisdem exponentibus dampna inferrent in praeiudicium ipsorum non modicum. Supplicatumque extitit nobis in personis eorundem exponentium¹⁾, ut ipsis superinde de remedio providere dignaremur opportuno. Et quia nos praefatos exponentes in earum libertatibus et consuetudinibus conservare volumus, ideo fidelitati vestrae firmiter mandamus, quatenus receptis praesentibus et rebus praemissorum²⁾ se habentibus annotatis sutoribus et cerdonibus extraneis in ipso opido Megies extra nundinas calciamenta et eis necessaria necnon contra libertatem et consuetudinem ipsorum exponentium vendere non permittatis et eos ut a vendicione cessent per birsagia in taliter fieri solita compellatis auctoritate nostra praesentibus vobis in hac parte attributa et iustitia mediante. Secus non facturi. Praesentibus perlectis exhibenti restitutis. Datum Budae in festo Epiphaniarum domini, anno eiusdem mil-[S. 479] lessimo quadringentesimo septuagesimo primo, regni nostri anno tredecimo, coronationis vero septimo.


1) Vorlage exponendum.^{^}
2) Vorlage praemissonum. ^{^}