Urkunde Nr. 3853 aus Band VI

Seite im UB:

487-488

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 211 - Abt. 13: K. A. Mediasch [Parohia Ev. CA Mediaş], Nr. 22 (alt Nr. 44).

Druckvorlage:

nach Original

Abdruck als:

Volltext

Sprache:

Latein

---

3853

Ofen 1471 März 15 König Matthias trägt den Kastellanen von Kokelburg auf, Streitsachen mit den Bewohnern der Zwei Stühle vor deren eigenen Gerichten auszutragen.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod pro parte et in personis fidelium universorum Saxonum nostrorum in duabus sedibus Saxonicalibus Meggyes et Selk vocatis partium regni nostri Transsilvanarum commorantium nostrae declaratum extitit maiestati, quod cum castellani et vicecastellani in castro Kykellew vocato commorantes contra ipsos Saxones nostros vel eorum alterum aliquid actionis praetenderent vel haberent tunc iidem non coram iudicibus et iuratis senioribus dictorum sedium in causam eos convenirent sed ipsi per se et potentia eorum mediante aliquos ex eis captivarent et iudicarent captosque tamdiu tenerent quousque a talibus captivis certam solutionem extorquerent in praeiudicium et dampnum ipsorum exponentium valde magnum. Unde supplicatum est maiestati nostrae ipsis superinde de remedio provideri. Et quia nemo in una et eadem causa actor et iudex fieri potest, edicimus igitur, ut nemo castellanorum et vicecastellanorum praefati castri Kykellew per se aliquos ex ipsis Saxonibus nostris iudicare aut quoquomodo turbare possit sed si aliquis adversus eos aut eorum alterum quitquam actionis habent conveniant tales coram iudicibus et iuratis praedictis et quitquid iidem decreverint ordine iuris id pro rato habere debeant. Quocirca vobis fidelibus nostris egregiis castellanis et vicecastellanis praedicti castri Kykellew nunc constitutis et in futurum constituendis praesentium notitiam habituris harum serie firmissime mandamus, quatenus a modo imposterum praedictos Saxones nostras contra dictum decretum nostrum quoquomodo impedire nusquam et nequaquam praesumatis sed si quid actionis contra ipsos vel eorum alterum ut praemissum est agere habebitis prosequamini ordine iuris coram [S. 488] dictis iudicibus et iuratis senioribus, ubi vobis non deerit iudicium et iustitia prout notabit ordo iuris. Secus igitur gratiae nostrae sub obtentu facere non audeatis. Praesentibus perlectis exhibentis restitutis. Datum Budae feria sexta proxima ante dominica Oculi, anno domini millesimo quadringentesimo septuagesimo primo, regni nostri anno quartodecimo, coronationis vero septimo.