Urkunde Nr. 3854 aus Band VI

Seite im UB:

488-489

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 212 - Abt. 13: K. A. Mediasch [Parohia Ev. CA Mediaş], Nr. 23 (alt Nr. 45).

Druckvorlage:

nach Original

Abdruck als:

Volltext

Sprache:

Latein

---

3854

Ofen 1471 März 15 König Matthias spricht der Gemeinde Wölz einen auf Kokelburger Gemarkung liegenden Weinberg zu.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod cum villa nostra Saxonicalis Wewlcz vocata ad duas sedes Saxonicales Meggyes¹⁾ et Selk vocatas pertinens propter angustiam terminorum et terrarum suarum cogeretur alias plantare vineas in quodam promontorio sibi quidem proprinquo quod pertineret ad oppidum et castrum nostrum Kykellewar et ab eo tempore continuans culturam huiusmodi vinearum iam per vexationes castellanorum dicti castri nostri non utilitatem nostram sed propria lucra sectantium in illum statum devenisset, ut non in meliorationem sed in desolationem magis tendere videretur. Ex eo maxime, quod singulis annis eisdem castellanis nostris duo vasa vinorum et decies centum denarios de huiusmodi promontorio solvere teneretur. Nos autem cupientes potius utilitatem nostram et augmentum bonorum nostrorum et coronae, quam aliquarum privatarum personarum praesertim etiam, quod dictum oppidum nostrum Kykellewar tantum de terris habeat, ut non sit ei opus de dicto promontorio magnam curam habere. Idem promontorium ab ipso castro et oppido nostro de mera auctoritate nostra et potestatis plenitudine usque ad metas Kapws vocatas sequestrantes eidem villae nostrae Wewlcz pariter cum vineis in eodem promontorio per eam plantatis duximus annectendum ac dictos decies centum denarios et duo vasa vinorum eidem relaxandum. Ita ut promontorium illud ipsius villae in perpetuum et irrevocabiliter sit et exislat nec unquam teneatur aliquid pro eo solvere castellanis praenotatis immo annectimus et relaxamus praesentium per vigorem. Quocirca vobis fidelibus nostris magnificis vaivodis et vicevaivodis partium nostrarum Transsilvanarum ac eorum castellanis et vicecastellanis in dicto castro Kykellew²⁾ nunc constilutis et in futurum constituendis, item praefato oppido nostro Kykellewar harum serie mandamus, quatenus a modo deinceps vos de dicto promontorio non ingeratis sed permittatis illo uti dictam villam nostram tamquam ex praemissa gratia nostra suo proprio promontorio nec aliquid superinde in antea exigere praesumatis. Et secus gratiae nostrae sub obtentu³⁾ facere non praesumatis. Praesentes autem quas secreto sigillo nostro, quo ut rex Hungariae utimur, in pendenti communire fecimus post earum lecturam semper reddi mandamus praesentanti. Datum Budae feria sexta proxima ante dominicam Oculi, anno domini millesimo quadringentesimo septuagesimo pri-[S. 489] mo, regnorum nostrorum anno Hungariae et cetera quartodecimo, coronationis septimo, Bohemiae vero secundo.


1) Einschaltung Megyes. ^{^}
2) Einschaltung Kykellewar. ^{^}
3) Vorlage optendu. ^{^}