Urkunde Nr. 3865 aus Band VI

Seite im UB:

495-496

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 502 - Abt. 13: K. A. Heltau [Parohia Ev. CA Cisnadie], Nr. 13.

Druckvorlage:

nach Original

Abdruck als:

Volltext

Sprache:

Latein

---

3865

Hermannstadt 1471 Mai 7 Sigismund, Dechant des Hermannstädter Kapitels, entscheidet den Streit zwischen den Pfarrern von Heltau und Michelsberg um die Michelsberger Bergkirche zu Gunsten Heltaus und lässt das Schriftstück vom öffentlichen Notar Urbanus beglaubigen.

Sigismundus de Salisfodio plebanus, decanus capituli Cybiniensis, Strigoniensis iurisdictionis, damus pro memoria tenore praesentium significantes quibus expedit universis, quod dudum coram nobis et nostris coassessoribus ac multiplicatis vicibus in iudicium nostrum extitit deductum per honorabiles viros Nicolaum plebanum de villa montis sancti Michaelis tamquam actorem ab una, et Bartholomeo de Helta similiter plebano ab altera partibus ut in causa attractum in personis suarum parochialium ecclesiarum super possessione capellae sancti Michaelis in monte aedificatae et proventuum eiusdem. Et quia plebanus de monte sancti Michaelis praedictus ad se eandem capellam cum omnibus suis obventionibus pleno iure dicit et allegavit pertinere, e contra autem Bartholomeus plebanus de Helta contestando lite coram nobis sufficientissime probavit ecclesiam suam longiturni temporis decursu capellae istius fuisset in possessione, cuius etiam contrarium in memoria hominum non est, quod etiam suus adversarius minime denegavit. Ideo nos deum et eius iustitiam prae oculis habentes Christi nomine invocato, communicato etiam superinde iurisperitorum et nostrorum coassessorum infrascriptorum consilio decrevimus, declaravimus et diffinivimus, immo declaramus, decernimus et diffinimus in his¹⁾ scriptis diffiniendo pronunciamus hac nostra diffinitiva sententia mediante, uti parochialis ecclesia de Helta memorata possedit et habuit possessionem praedictae capellae in cacumine montis sancti Michaelis fundatae et omnium eiusdem emolumentorum. Ita possideat, teneat et habeat eandem capellam pleno iure quam possessionem ipsam saepefatam ecclesiae de Helta restituimus et restitutam pronuntiamus salvo iure proprietatis, si cui incumberet condempnantes etiam partem adversum videlicet Nicolaum plebanum de monte sancti Michaelis in expensis, fatigis et interesse, quarum taxationem nobis in posterum reservamus. In cuius rei testimonium praesentes litteras seu publicum instrumentum exinde fieri et per notarium publicum scribamque nostrum infrasciptum [S. 496] scribi et subscribi nostrique capituli sigilii fecimus appensione communiri. Datum et actum in Cybinio in nostro consistorio, anno domini millesimo quadringentesimo septuagesimo primo, indictione quarta, die vero martis, septima mensis Maii, hora vesperorum vel quasi, pontificatus sanctissimi in Christo patris et domini nostri domini Pauli divina providentia papae secundi anno eius octavo. Praesentibus ibidem eximio venerabili honorabilibusque dominis Matheo decretorum doctore, custode et canonico ecclesiae Albensis Transsilvanae, Johanne artium et sacrae iuris canonici baccalaureo in Cibinio, Jacobo in Magno Horreo artium liberalium magistro, Cristanno in Insula Christiana, Petro in Parvo Horreo, Servacio in Schellenberg, Blasio in villa Nepponis, Petro in Purgperg, Huperto in Kastinholcz et Michaele in Dalheym ecclesiarum parochialium sedis Cibiniensis plebanis ac Laurencio de Dobrica in Reycha Transsilvanensis diocesis plebano et Wenczesslao de Dresden in Cibinio capellano testibus ad praemissa rogatis et requisitis.

(Notarzeichen)
Et ego Urbanus Petri de Stynawia Wratislaviensis diocesis publicus papali ac imperiali auctoritatibus notarius et coram suprascripto venerabili viro domino Sigismundo, decano Cibiniensi, scriba praetactarum partium coram eo litigationi sententiae, promulgationi aliisque omnibus et singulis praemissis dum sic ut praemittitur fierent et agerentur unacum praeseriptis testibus praesens fui, eaque sic fieri vidi et audivi. Ideo praesentes literas seu publicum instrumentum manu mea propria scriptum et de mandato ipsius domini decani exinde confeci et publicavi signoque meo solito et consueto ac nomine cum appensione Cibiniensis capituli sigilii consignavi in fidem et testimonium omnium praemissorum rogatus et requisitus.


1) Vorlage hiis. ^{^}