Urkunde Nr. 3868 aus Band VI

Seite im UB:

497-498

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3868

Klausenburg 1471 Mai 12 König Matthias erlässt den Bistritzern für zwei Jahre die Hälfte ihrer Steuer von 60 Mark Silber und andere Abgaben.

Von der Kanzlei: De commissione domini regis.

Nos Mathias dei gratia rex Hungariae, Bohemiae et cetera memoriae commendamus per praesentes, quod nos tum ad nonnullorum fidelium nostrorum humilimae supplicationis instantiam per eos pro parte circumspectorum civium, hospitum et inhabitatorum civitatis nostrae Bistriciensis et suarum pertinentiarum nobis porrectae, tum vero attentis et consideratis inopiis et paupertatibus ipsorum quibus nunc eos gravatos esse cognovimus, eisdem medietatem illarum sexaginta marcarum argenti et aliorum proventuum, quos ipsi vaivodis vel vicevaivodis nostris Transsilvanis pro tempore constitutis in festivitatibus beatorum nativitatis Johannis baptistae ac Jacobi apostoli et Martini episcopi annuatim solvere deberent infra duos integros annos duximus remittendos et relaxandos talimodo, ut iidem illam partem ipsius census, quam in festo nativitatis beati Johanni baptistae¹⁾ solvere consueti sunt hoc anno puta ipso festo beati Johannis proxime venturo¹⁾ vaivodis nostris persolvere teneantur, tandem vero ab eodem festo computando infra duos annos integros medietatem dumtaxat totalis²⁾ census antedicti ipsis vaivodis reddant et exsolvant, immo remittimus et relaxamus praesentium per vigorem. Quocirca vobis fidelibus nostris magnificis vaivodis vel vicevaivodis [S. 498] nostris Transsilvanis praesentibus et futuris harum serie firmissime praecipiendum mandamus, quatenus eosdem cives in praedicta civitate nostra Bistriciensi et eius pertinentiis commorantes infra duos annos a festo nativitatis beati Johannis baptistae proxime venturo computando¹⁾<fnz>ad solutionem medietatis dictarum sexaginta marcarum argenti et aliorum proventuum vestrorum per nos eis modo praemissum relaxatorum contra formam praemissa nostrae relaxationis artare et compellere aut ratione non solutionis earundem in aliquo impedire seu damnificare nusquam et nequaquam praesumatis nec sitis ausi modo aliquali gratiae nostrae sub obtentu. Praesentibus perlectis exhibenti restitutis. Datum in Koloswar die dominico proximo post festum apparitionis beati Michaelis archangelis, anno domini millesimo quadringentesimo septuagesimo primo, regni nostri anno quarto decimo, coronationis vero octavo.

Unten rechts: Ad relationem Johannis Ernust.

<fnzt>1) Juni 24. [3x]</fnzt> <fnzt>2) Über der Zeile.</fnzt>