Urkunde Nr. 3869 aus Band VI

Seite im UB:

498-499

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 203.

Druckvorlage:

nach Original

Abdruck als:

Volltext

Sprache:

Latein

---

3869

Klausenburg 1471 Mai 12 König Matthias trägt der Bürgerschaft von Kronstadt und dem Burzenland auf, die 4 920 Gulden von der den Sachsen auferlegten 21 600 Gulden-Steuer schnellstens abzuliefern.

Von der Kanzlei: De commissione domini regis.

Mathias dei gratia rex Hungariae, Bohemiae et cetera fidelibus nostris prudentibus et circumspectis iudici, iuratis ceterisque civibus in civitate nostra Barcza et suis pertinentiis commorantibus salutem et gratiam. Exigentibus arduissimis negotiis nostris et regni nostri, tum pro fide, tum etiam pro bono statu ipsius regni nostri contra Bohemos haereticos inceptis, cuncti regnicolae nostri tam in regno nostro¹⁾ Hungaria quam in partibus his Transsilvanis tum prope finem et determinationem ipsorum negotiorum inceptorum, deo nobis propitio, per mortem Georgii Podebrad haeretici vertemur competentia subsidia fecerunt et exhibuerunt, inter quos omnes Saxones nostri Transsilvani in viginti uno milibus et sexingentis florenis taxati sunt, ex quibus ad vos in ipsa civitate nostra Barcza et suis pertinentiis commorantes, facta prius coram nobis per omnes Saxones aequali et recta divisione quatuor milia noningenti et viginti floreni impositi sunt. Pro quorum citissima exactione mandavimus omnibus Gereb et aliis officialibus vestris et praesentium serie facultatem dedimus, ut quemadmodum res nostrae regiae exposcunt, ipsam summam quatuor millium noningentorum et viginti florenorum quam citissime de medio vestri exigant et manibus fidelis nostri nobilis magistri Alberti de Wach, collectoris proventuum nostrorum assignent tali videlicet ordine, quod ipsi ab eis ex vobis qui maioris sunt facultatis summam iamdictam pro celeriori rerum nostrarum expeditione exigant, tandemque eos a quibus ipsa summa levabitur et exigetur ex contributione minorum et magis¹⁾ pauperum contentos reddant et persolutos. Quam ob rem mandamus vestrae fidelitati, quatenus in connumeratione et exactione praefatae summae eisdem officialibus vestris obtemperare et iuxta informationem eorundem ad instar ceterorum regnicolarum et Saxonum nostrorum solutionem facere debeatis. Et secus gratiae nostrae sub obtentu in praemissis facere non ausuri. Praesenti-[S. 499] bus perlectis exhibenti restitutis. Datum in Koloswar die dominico proximo post festum apparitionis beati Michaelis archangeli, anno domini millesimo quadringentesimo septuagesimo primo, regni nostri anno quartodecimo, coronationis vero octavo.

Unten rechts von der Kanzlei: Ad relationem Johannis Ernust.


1) Uber der Zeile geschrieben. [2x]^{^}