Urkunde Nr. 3881 aus Band VI

Seite im UB:

506-507

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 697.

Druckvorlage:

nach Original

Abdruck als:

Volltext

Sprache:

Latein

---

3881

Frauenbach (Baia Mare) 1471 Juli 29. ^a) Der Richter Thomas Gobel von Frauenbach / Baia Mare empfiehlt dem Bistritzer Rat, den gelehrten Andreas Hanko de Morauia zum Stadtpfarrer zu wählen.

In omnibus complacendi sinceram voluntatem cum salutem praemissis. Prudentes ac circumspecti viri ac domini observandi. Percepi ex quibusdam vestris concivibus pastorem vestrum dei antea noviter vita functum vos quoque talem virum optare in rectorem, qui iura ecclesiae vestrae per priores rectores deperdita restauraret et ad pristinum posset statum reducere, in quo vestram multum commendo sollertiam. Ad hoc autem faciendum non videtur mihi vos posse magis idoneum hominem reperire, quam quendam magistrum Andream Hanko de Morauia insignem ac doctissimum artium liberalium doctorem, qui cum suis parentibus moderno Transsilvanensi episcopo a pueritia notus fuit et valde dilectus, propter ingenii sui nobilitatem et morum honestatem, qui et apud nos praedicator fuit ante duos annos, et hic suas celebravit primitias, nunc autem est in studio Bononiensi in Italia in utroque iure studens et in theologia, et procul dubio crescet in talem virum, qui erat in hoc regno virtutum suarum praesentia prae omnibus nominandus. Cui et in nostra ecclesia essemus de proximo vacaturo benef icio provisuri verum etiam si ecclesia nostra pastore careret quantum in me esset ipse pastor noster fierit, nam et maiori titulo dignus esset scientiae ac virtutum ipsius et respectum. Quare vos rogo veluti singulares fautores ac dominos meos, quatenus praefatum magistrum Andream ob earundem virtutum suarum meritum ecclesiaeque vestrae honorem vestrum in plebanum velitis eligere, quem certissime cum cognoscetis gaudebitis elegisse gratiasque deo agetis, talem vobis pastorem invenisse, qui et verbo et exemplo vobis praeerit talimodo, quod et nobiscum existens toto in regno Hungariae famabitur nomen eius vobis in commodum et honorem, quia teste deo non inutilum vobis immo personam procuro dignissimam promovere. Nam et si Transsilvanus episcopus vestram haberet plebaniam conferre, conferret eidem sibique magnam putaret gloriam talem virum suae diocesi acquisisse. In his precor humiliter vestris dominationibusexaudiri tanto¹⁾ paratius quanto vobis personam laude proficuam qui cuncta poterit iura deperdita comodissime reparare vobisque laudabiliter praeesse. Cum eum ita noscam profundis scientiis, nobilis ingenio, florenti aetate optimis quoque moribus institutum quod non poterit alia aut cogitare aut agere, quam quae vestrum concernent et commodum et honorem. Promittoque vobis, quod omnia quae optabitis a vestro praesule impetrabitis per eundem. Item promitto, quod subito meis expensis pro eo ad Italiam mittam, itemque promitto meis sibi pecuniis ad cuncta sua negotia immo et vestra disponenda largiter subvenire. Praeterea si prudentiae vestrae optaverint personaliter vos accedam de praefati utique venerabilis viri magistri Andreae conditionibus tractaturus, et si forte scriptis plenam fidem non daretis oretenus fidem darem. Quicquid pro hac re per me fieri possetis ubicumque [S. 507] volueritis semper me habebitis paratissimum obsequentem. Valete in Christo Jhesu bonum consilium quod precibus meis exhibeo non spernentes. Ex Nova Civitate feria II post Jacobi, anno 1471.

Thomas Gobel iudex ibidem,
vester in omnibus²⁾.

Auf der Rückseite Adresse: Prudentibus ac circumspectis viris iudici et iuratis totique communitati civitatis Bistriciensis dominis ac fautoribus suis sincere dilectis.


a) Ausstellungsort im UB als: Baia Mare.^{^}

1) Hierauf gestrichen pro.^{^}
2) Mit anderer Tinte und Schrift.^{^}