Urkunde Nr. 3886 aus Band VI

Seite im UB:

509-510

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 17 247.

Druckvorlage:

nach Original

Abdruck als:

Volltext

Sprache:

Latein

---

3886

Ofen 1471 September 14 König Matthias setzt Johannes Gereb von Weingartskirchen und Söhne wieder in den Besitz des ihnen genommenen und den Sachsen der Sieben und Zwei Stühle verliehenen Distriktes Fogarasch ein.

Mathias dei gratia rex Hungariae, Bohemiae et cetera fidelibus nostris circumspectis et providis iudicibus et iuratis ac servitoribus, praedialibus et boliariis in possessione et districtu Fogaras et eius pertinentiis ubivis existentibus salutem et gratiam. Licet nos alias possessionem Fogaras vocatam simulcum districtu et omnibus eius pertinentiis, certis ex causis a fideli nostro egregio Johanne Gereb de Wingard ac Petro, Ladislao et Mathia filiis suis abstulerimus et Saxonibus septem et duarum sedium Saxonicalium dederimus et praefatis sedibus eorum annexerimus. Tamen, quia ad supplicationem fidelis nostri Petri [S. 510] Gereb praefati nos eandem possessionem Fogaras simulcum districtu et omnibus suis pertinentiis praefatis Johanni Gereb ac Petro, Ladislao et Mathiae, filiis eiusdem, remisimus, ideo fidelitati vestrae mandamus, quatenus visis praesentibus a modo in antea ad praefatos Johannem Gereb ac Petrum, Ladislaum et Mathiam, filios suos, tamquam dominos vestros audire et in omnibus licitis eisdem¹⁾ obedire ac respondere debeatis. Secus non facturi. Praesentibus perlectis exhibenti restitutis. Datum Budae in festo exaltationis sanctae crucis, anno domini millesimo quadringentesimo septuagesimo primo, regni nostri anno quartodecimo, coronationis vero octavo.

Von der Kanzlei: Ad relationem Pauli Knisy.


1) Über der Zeile.^{^}