Urkunde Nr. 434 aus Band I

Seite im UB:

394

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

434

1325 Mai 2 Das Weissenburger Kapitel bezeugt, dass die Söhne und Enkel des Bans Simon ihre ererbten Ländereien unter sich aufgetheilt haben.

Nos capitulum ecclesiae Transsiluanae praesentium per tenorem significamus quibus expedit universis, quod constituti coram nobis nobiles iuvenes magister Thomas filius Symonis bani pro se et pro Georgio fratre suo et Jacobus filius Mychaelis filii eiusdem Symonis bani pro se et ipso Mychaele patre eius et Petro Symone et Johanne fratribus suis ab una parte et Nicolaus filius eiusdem Symonis bani pro se et Demetrio ac Jacobo fratribus suis uterinis ex altera proposuerunt et confessi sunt oraculo vivae vocis, quod super terris et possessionibus eorum hereditariis infra scriptis in terra Transsiluana existentibus pari voluntate et consensu talem divisionem inter se celebrassent et fecissent, quod terrae seu possessiones Almas, Symyg, Balauasara, Stephand, medietas terrarum Pype et Babuch, Felkend et Kendhyda cum molendino, cum omnibus utilitatibus earundem et medietas tributi de praedicta Kendhyda ac medietas castri de eadem cessissent in portionem Mychaelis et Thomae ac Georgii praedictorum. Item e converso terrae seu possessiones Dorlaz, Zeplak, Egrusthw, Chekmantul et Saako vocatae et medietas terrarum Pype et Bobuch et medietas tributi de Kendhyda ac medietas castri de Kendhyda similiter cum omnibus utilitatibus earundem in portionem eorundem Nicolai, Demetrii ac Jacobi fratrum eorundem Mychaelis, Thomae et Georgii iuniorum devenissent uinicuique ipsarum partium iure perpetuo et irrevocabiliter possidendae, tenendae pacifice et habendae Assumentes et obligantes se insuper partes supra dictae ab omnibus processu temporum super praedictis possessionibus eorundem divisis impetere, inquietare vel impedire volentibus mutuo se expedire propriis laboribus et expensis et in pacifica possessione terrarum seu hereditatum praedictarum se invicem indefesse conservare. In cuius rei testimonium firmitatemque perpetuam ad instantiam et petitionem partium praedictarum literas nostras praesentes concessimus sigilli nostri munimine roboratas.¹⁾ Et cum praesentes per praedictas partes ad nos reportatae fuerint, privilegium nostrum super hoc concedemus. Datum feria quinta proxima ante festum inventionis sanctae crucis, anno domini M^mo. CCC^mo XX^mo quinto.


1) Vorlage: roburatas.^{^}