Urkunde Nr. 3895 aus Band VI

Seite im UB:

513-514

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 3.

Druckvorlage:

nach Original

Abdruck als:

Volltext

Sprache:

Latein

---

3895

Ofen 1471 Oktober 30 König Matthias verbietet den Kastellanen der Törzburg und der Heldenburg, den Krebsbach zum Nachteil der Bewohner von Marienburg abzuleiten.

Von der Kanzlei: Propria commissio domini regis.

Mathias dei gratia rex Hungariae Bohemiae et cetera fidelibus nostris castellanis castrorum nostrorum Therch et Helthwyn salutem et gratiam. Exponitur nobis in personis fidelium nostrorum iudicis et iuratorum civium ac totius communitatis oppidi nostri Feldwar ad modum querelae, quomodo vos fluvium Kryzpah vocatum per medium dicti oppidi decurrens, nescitur quo motivo ducti a vero alveo suo aggeribus distractis eductum alio defluere coegissetis, nolentes eundem in antiquo suo permittere decurrere meatu, in praeiudicium [S. 514] eorundem exponentium et damnum non modicum. Unde supplicarunt maiestati nostrae ut ipsis circa praemissa remedium adhiberemus opportunum. Et quia nos sicuti neminem regnicolarum nostrorum sic non minus ipsos exponentes quibusvis rebus utilitati et comodo ipsorum conducentibus per quempiam privari et impediri volumus, ideo fidelititati vestrae firmiter praecipientes committimus, quatenus amodo in antea huiusmodi fluvium ipsorum in alveo seu meatu suo alias consueto defluere et decurrere permittatis ac de vero ipsius cursu nequaquam educere praesumatis nec sitis ausi modo aliquali. Praesentibus perlectis exhibentibus restitutis. Datum Budae feria quarta proxima ante festum omnium sanctorum, anno domini millesimo quadringentesimo septuagesimo primo, regni nostri anno quarto decimo, coronationis vero octavo.