Urkunde Nr. 3906 aus Band VI

Seite im UB:

521-522

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inv. 58ff.) Urkunden Nr. 114.

Druckvorlage:

nach Original

Abdruck als:

Volltext

Sprache:

Latein

---

3906

Kronstadt 1472 Februar 24 Die Kronstädter Schusterzunft ersucht alle Schustermeister, den bei ihnen im Dienst gewesenen Johannes Slizita nicht anzustellen und nicht in die Bruderschaft aufzunehmen, bis er seinem früheren Meister Genugtuung geleistet hat.

Nos magistri unanimiter ex cecha sutorum civitatis Brassoviensis, memoriae commendamus harum serie universis magistris eiusdem artis ubivis commorantibus et constitutis, post condecentem salutationem et omnis boni optationem, quod quidam Johannes Slizita cum longis crinibus congnominatus in eadem arte eruditus, nescitur qua perversitate ductus, quendam ex nostris conmagistris Steffanum Sutorem vocatum, cui serviendo assistebat et in recessu indigne pertractans eundem, nam in domum eiusdem circa carnis brevium intravit et¹⁾ uxorem eiusdem percussit iactando eandem contra quandam statuam usque ad effusionem sanguinis, ita qod adhuc²⁾ hodie non est restituta sanitati. Nam quoddam vasculum violenti modo voluit recipere de pariete contradicente uxore illud malum ei intulit, cum tamen persuasus fuit usque ad adventum antelati magistri Steffani, et tandem si quid tractandi haberet cum eodem extunc it efficeret. Quocirca supplicamus vestrae uni-[S. 522] versitati multum confidenter consimile vestris forte inferendis ex casu consimiliter nolentes impune permittere, quatenus³⁾ eundem Johannem dignis castigationibus castigare velitis pro ut sua ineptitudo demeruit, ut ceteris via tale malum faciendi eo facilius praecludatur. Praesentibus receptis, easdem de loco ad locum singulis magistratis transmittendo, ut cognoscat suam tandem malitiam, quod cupimus in maioribus promereri. Ex Brassouia ipso die Mathiae apostoli, anno domini millessimo CCCC^o LXX secundo, sub sigillo nostrae cechae. Praeterea velitis eundem cohibere, ut nulli ex vestris tam maiorum quam minorum sit aptus neque in laborando nec in commanendo nec in fraternitatis amicitia stando, quousque ad nos redierit et saepe dicto magistro Steffano nostro conmagistro pro dictis iniuriarum illationibus satisfecerit, quod similiter cupimus promereri et cetera.


1) Vorlage ex. ^{^}
2) Vorlage aduc .^{^}
3) Vorlage guatinus.^{^}