Urkunde Nr. 3911 aus Band VI

Seite im UB:

523-524

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Bistritz [Capitlul evanghelic CA Bistriţa] (Inventar 286), Nr. 87 / Urkunden Nr. 4.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3911

Ofen 1472 Mai 6 König Matthias verbietet den Bischöfen von Weissenburg und ihren Untergebenen, die Kapitelsherren und alle Geistlichen der Weissenburger Diözese in ihrem Recht auf letztwillige Verfügungen zu kränken.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod cum nos ex rapacitate et insaciabili quorundam cupiditatis ecclesiam Albensem Transsilvanam ac universum clerum¹⁾ ac presbyteros diocesis Transsilvanensis plurima dampna, perturbationes et iniurias intollerabiles in eo potissime hactenus suscepisse intelligamus, quod dum aliqui beneficiatorum vel etiam non beneficiatorum in ipsa ecclesia deo serventium ex hac vita decessissent [S. 524] etiam si testamentum fecissent tamen bona talium violenter per quosdam direpta et in usum privatum conversa essent. Volentes igitur nos praefatam ecclesiam et universum clerum ac presbyteros eidem ecclesiae subiectos ab huiuscemodi dampnis, iniuriis et perturbationibus praecavere id de plenitudine nostrae regiae potestatis et gratia speciali duximus annuendum et concedendum, ut nullus omnino episcoporum vel aliorum quorumcumque in ipsa ecclesia sive nomine episcoporum sive aliter pro tempore constitutorum sed nec castellanorum eorundem testamentariam dispositionem, quam domini de capitulo dictae ecclesiae et universus clerus tempore mortis eorum vel etiam alias facerent aut alter eorum faceret, infringere aut manus violentas ad eandem ingerere audeat neque possit, dummodo huiusmodi testamentaria dispositio dictae ecclesiae non videatur aliquo modo praeiudicari, immo annuimus et concedimus praesentium per vigorem. Quocirca vobis fidelibus nostris reverendis in Christo patribus dominis episcopis dictae Albensis necnon officialibus et castellanis pro tempore ibidem constitutis ceterisque cuiusvis status, gradus et conditionis hominibus, praesentibus et futuris, harum serie firmiter praecipiendo mandamus, quatenus a modo in posterum praedictos dominos de capitulo praefatae ecclesiae et universos cleros aut alterum eorum in huiusmodi testamentis ipsorum contra formam praemissae nostrae annuentiae ipsis gratiose factae impedire, turbare aut quovismodo molestare nullatenus praesumatis nec sitis ausi modo aliquali gratiae nostrae sub obtentu. Praesentes autem, quas sigillo nostro secreto communiri fecimus, post earum lecturam semper reddi iubemus praesentanti. Datum Budae in vigilia ascensionis domini, anno eiusdem millesimo quadringentesimo septuagesimo secundo, regnorum nostrorum anno Hungariae quartodecimo, coronationis nono, Bohemiae vero quarto.


1) Über der Zeile.^{^}