Urkunde Nr. 3916 aus Band VI

Seite im UB:

526-527

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 338.

Druckvorlage:

nach Original

Abdruck als:

Volltext

Sprache:

Latein

---

3916

Hermannstadt 1472 Juni 1 Der Rat von Hermannstadt bezeugt, dass Paul, der Sohn des Christoforus Italicus, sein auf dem Grossen Ring in Hermannstadt gelegenes Haus dem Hermannstädter Bürger Georg Hecht verkauft hat.

Nos Thomas Altennberger magister civium, Ladislaus Haan regius, Georgius Sartor sedis iudices, item Bartholomeus Huetter, Bartholomeus Pictor, Johannes Burger, Benedictus Carnifex, Nicolaus Kroner, Johannes Praydem, Cristannus Franczyos, Ludovicus Stromer, Nicolaus Zetsch, Johannes Henrici, Cristannus Lederer et Johannes de Longocampo consules, Stephanus Pictor villicus civitatis Cibiniensis memoriae commendamus tenore praesentium significantes quibus incumbit universis, quod nostrae universitatis venit praesentiam bonae indolis adolescens bene adultus et annos citra decem octo attingens Paulus, filius prudentis viri Cristoferi quondam Italici de Florencia, civis de Riuulodominarum camerarii alias, ibidem recognovit et rationabiliter fatebatur, quomodo publicis eum vergentibus necessitatibus atque pleno desuper habito mandato et irrevocabili voluntate virtuosae dominae Barbarae sororis suae, coniugis videlicet circumspecti Francisci Italici, concivis civitatis Coluswar nobis superinde literas nihilominus iudicis et iuratorum civium praefatae Coluswar praesentans, quandam domum suam materno hereditario iure ad se iuste devolutam in circulo maiori memoratae civitatis nostrae meridianam versus plagam inter domus prudentum virorum Oswaldi alias magistri civium ab inferiori et Martini condam Remszer a superiori partibus sitam et habitam cum universis et singulis metis limitibus accessibus, egressibus et stillicidiis ac fenestralibus ac pertinentiis et iustis utilitatibus suis de iure et antiquitus ad eam domum quomodolibet spectantibus, nulla proprietate seu iure sibi reservato, vendidisset vendendoque assignasset circumspecto viro Georgio Hecht dicto iamdictae civitatis nostrae concivi per eumque suis heredibus et posteritatibus posteritatum et heredum suorum legittimis successoribus iure hereditario pacifice possidendam, tenendam pariter et habendam in usus gratos et sibi beneplacitos limitandam et convertendam pro certa florenorum auri summa prompte solutis et perceptis. Assumendo praetera memoratus Paulus pro se atque nomine et personis omnium et singulorum amicorum, consanguineorum item heredum atque legittimorum successorum suorum ceterorumque linia affinitatis quoquomodo attinentium promisit, praetactum Georgium Hecht necnon heredes suos et successores heredum universos, praesentes et futuros, ratione hereditariae proprietatis eiusdem domus venditae ab omni instantia iuris vel facti relevare [S. 527] et contra quoscumque impetitores illegittimos tueri pariter et defendere propriis suis fatigis et expensis iuris proprietatem eiusdem domus emptori et suis defensurus. Ad cuius rei memoriam roburque perpetuum praesentes sigillo maiori saepetactae civitatis nostrae et autentico appenso obsignari duximus. Datum Cibinii feria secunda proxima post festum beati Urbani papae, anno domini millesimo quadringentesimo septuagesimo secundo.


a) Im UB Abbildung des Siegels des Rats von Hermannstadt auf Tafel VI, Bild 3, unten als »Abb. ^{^}

Abb.