Urkunde Nr. 3927 aus Band VI

Seite im UB:

532-533

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 342.

Druckvorlage:

nach Original

Abdruck als:

Volltext

Sprache:

Latein

---

3927

Ofen 1472 August 11 König Matthias verleiht den Sachsen von Hermannstadt und den Sieben Stühlen den Distrikt Fogarasch und die Besitzung Hamlesch samt Pertinentien.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera ad perpetuam rei memoriam licet cunctorum sub commisso nobis divinitus constitutorum curam et sollicitudinem habeamus ipsorumque commoda regia munificentia prosequi intendamus illos tamen praerogativa specialioris gratiae nunc novarum donationum titulis nunc iurium antiquorum restaurationibus amplectemur, quos in opere fidelitatis fervidos et exhibitione servitiorum indefessorum sollicitudine sedula comperimus insistentes. Proinde attendentes satis grata atque magna fidelium servitiorum merita fidelium nostrorum circumspectorum iudicis et iuratorum civium ac hospitum civitatis nostrae Czibiniensis ac Saxonum in septem sedibus commorantium, quae ipsi primum sacrae dicti regni nostri Hungariae coronae et tandem maiestati nostrae cum omni ferventis animi zelo et fidelitatis constantia exhibuerunt. Considerantes etiam dampna, quae ipsi per Wolahos plerumque susceperunt, volentes igitur ipsis benivolentiam nostram regiam ostendere fructuosam districtum Fogaras vocatum ac possessionem Omlas appellatam, in quorum pacifico dominio licet iidem cives et hospites ac Saxones se a dudum ex donatione nostra ac confirmatione desuper facta perstitisse et etiam nunc persistere dicant. Ex quo tamen novissime dictae literae nostrae donationales ac confirmationales simul cum certis¹⁾ aliis rebus et bonis ipsorum per Wolahos latrones, cum quidem ex ipsis civibus apud quos huiusmodi literae habebantur, hinc Transsiluaniam ingrederentur, ablatae essent et formidarent successu temporum exinde iuribus eorum periculum posse eveniri, supplicarunt nobis ut ipsis superinde gratiose providere dignaremur. Nos igitur tum praemissorum eorum intuitu servitiorum, tum vero quia casus nocivos cunctorum fidelium nostrorum reformationis beneficio et per remedia opportuna restaurare consuevimus ipsum districtum Fogaras [S. 533] ac possessionem Omlas simul cum villis et possessionibus in eodem districtu habitis et ad ipsam possessionem Omlas pertinentibus ac pariter cum cunctis aliis utilitatibus et pertinentiis quibuslibet terris scilicet²⁾ arabilibus, cultis et incultis, agris, pratis, pascuis, virgultis, silvis, nemoribus, montibus, vallibus, vineis vinearumque promontoriis, aquis, fluviis aquarumque decursibus, piscinis, piscaturis, molendinis et locis molendinorum generaliter vero quarumlibet utilitatum et pertinentiarum suarum integritatibus quovis nominis vocabulo vocitatis sub suis veris metis et antiquis praemissis sic ut praefertur stantibus et se habentibus, memoratis iudici³⁾ et iuratis civibus ac hospitibus ac toti⁴⁾ communitati dictae civitatis nostrae Czibiniensis ac Saxonibus praenotatis de novo et ex novo ac novae nostrae donationis titulo dedimus, donavimus et contulimus, immo damus, donamus et conferimus iure perpetuo et irrevocabiliter tenendum, possidendum pariter et habendum salvo iure alieno harum nostrarum, quibus sigillum nostrum secretum est appensum, vigore et testimonio literarum mediante, quas in formam nostri privilegii redigi faciemus, dum nobis in specie fierint reportatae. Datum Budae feria tertia proxima post festum beati Laurencii martiris, anno domini millesimo quadringentesimo septuagesimo secundo, regnorum nostrorum anno Hungariae et cetera quintodecimo, coronationis nono, Bohemiae vero quarto.


1) Über der Zeile.^{^}
2) Vorlage silicet.^{^}
3) Vorlage iudice. ^{^}
4) Gebessert aus toto. ^{^}