Urkunde Nr. 3929 aus Band VI

Seite im UB:

533-534

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 343.

Druckvorlage:

nach Original

Abdruck als:

Volltext

Sprache:

Latein

---

3929

1472 Oktober 22 Das Weissenburger Kapitel schaltet den Einführungsauftrag des Königs Matthias von 1472 Nr. »3928 ein und bezeugt, dass die Sieben Stühle in den Besitz von Hamlesch eingeführt worden sind.

[S. 534] Capitulum ecclesiae Albensis Transsiluanae omnibus Christi fidelibus praesentibus et futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas introductoriales, statutoriales serenissimi principis et domini domini Mathiae dei gratia regis Hungariae, Bohemiae et cetera domini nostri gratiosissimi nobis praeceptorie loquentes summo cum honore et obedientia recepimus in haec verba: (Folgt der Statutionsauftrag des Königs Mathias von 1472 Nr. »3928). Nos igitur mandatis dicti domini nostri regis in omnibus obedire cupientes ut tenemur, una cum praefato Jacobo de Musna homine suae serenitatis unum ex nobis videlicet honorabilem virum magistrum Symonem de Cibinio socium et concanonicum nostrum ad praemissas introductionem et statutionem faciendas nostro pro testimonio transmisimus fide dignum. Qui tandem exinde ad nos reversi nobis consona voce retulerunt eo modo, quomodo ipsi feria quarta proxima ante festum beati Dyonisii martyris proxime praeteritum¹⁾ ad facies dictae possessionis Omlas et eius pertinentiarum in comitatu Albensi existentis habitas, vicinis et commetaneis eiusdem universis inibi legitime convocatis, et praesentibus circumpectis viris Mathia Krecher villico, Johanne Knoer de Apoldia superiori, Petro Wolff, Johanne Cirbs de Apoldia inferiori, Jakobo Bayr, Martino Alharth de Llwdas, item Johanne Symonis, Jacobo Pusner de Chaporcha, Demetrio Kenesio, Johanne Vonteslin de Theczlin aliisque compluribus accessissent introduxissentque praefatos universos cives et hospites ac Saxones septem sedium in dominium eiusdem, statuissentque eandem eisdem simulcum cunctis eiusdem utilitatibus et pertinentiis quibuslibet praemissae regiae donationis titulo ipsis incumbentis perpetue possidendam, nullo prorsus contradictore apparente, legitimis et consuetis diebus in facie eiusdem iuxta regni consuetudinem moram faciendo. In cuius rei testimonium firmitatemque perpetuam praesentes literas nostras privilegiales pendentis et authentici sigilii nostri munimine roboratas eisdem superinde duximus concedendas. Datum sedecimo die diei introductionis et statutionis antedictarum, anno domini supradicto. Praesentibus ibidem venerabilibus et egregiis Ladislao praeposito absente, Anthonio cantore, Matheo custode decretorum doctoribus, Clemente de Zekelhyd, archidiacono de Hwnyad, decano ceterisque concanonicis nostris et fratribus regi iugitur formulantibus sempiterno.

Auf der Rückseite von gleichzeitiger Hand: Transumptum introduetionis et statutionis Fogarasch²⁾ et Omlasch et earundem pertinentiarum capituli Albensis.


1) Oktober 7.^{^}
2) So Vorlage.^{^}