Urkunde Nr. 439 aus Band I

Seite im UB:

396-397

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 62 682.

Druckvorlage:

nach Original

Abdruck als:

Volltext

Sprache:

Latein

---

439

1325 August 2 Das Weissenburger Kapitel bezeugt, dass Jakob, Apa's Sohn, und seine Söhne an Stephan, den Bruder von Gregor's Wittwe Anich, 25 Mark gezahlt haben.

[S. 397] Nos capitulum¹⁾ Transsiluanae damus pro memoria, quod constitutis coram nobis Johanne plebano de Dedrad procuratore magistri Stephani filii Dyonisii ab una parte, pro Jacobo filio Jacobi filii Apa, pro se et patre suo et Andrea, Nycolao, Johanne, Apa et Dyonisio fratribus suis ex altera concorditer coram nobis retulerunt, quod super causa dotis et rerum paraphernalium dominae Anich relictae quondam Gregorii filii Apa, quae inter ipsum Jacobum filium Apa et filios eiusdem ac magistrum Stephanum filium Dyonisii nomine procuratorio praedictae dominae Anich sororis suae, in praesentia venerabilis patris Andreae praelati nostri vertebatur,²⁾ et secundum formam iudicii eiusdem de quinquaginta marcis Vngaricalium denariorum pro tempore currentium, de quibus convicti³⁾ ratione dictae dotis exstiterant, sedecim marcas Vngaricales in octavis beati Jacobi apostoli proxime praeteritis⁴⁾ magistro Stephano filio Dyonisii supra dicto nomine dominae Anich sororis suae solvere debuissent, dixit, quod licet praedictus Jacobus filius Apa et filii eiusdem in praedicto termino sedecim marcas solvere debuissent, tamen numerum viginti quinque marcarum quia voluerunt a debitis eorum expediri, cum servis et ancillis in ipso termino eidem magistro Stephano nomine Anich sororis suae complevissent. Super quibus XX. quinque marcis Johannes plebanus de Dedrad, ante dictus procurator magistri Stephani filii Dyonisii supra dicti, nomine procuratorio eiusdem Jacobum filium Apa et filios eiusdem reddidit coram nobis expeditos. Datum sexta feria proxima post octavas beati Jacobi apostoli, anno domini M^o. C^o C^o C^o X^o X^o. quinto.

Auf der Rückseite: Expeditoria pro Jacobo filio Apa et filiis eiusdem contra dominam Anich relictam quondam Gregori fili Apa super solutione viginti quinque marcarum pro rebus paraphernalibus.


1) Hier fehlt: ecclesiae.^{^}
2) Ueber der Zeile nachgetragen.^{^}
3) Hierauf durchgestrichen: extiterunt.^{^}
4) August 1.^{^}