Urkunde Nr. 3940 aus Band VI

Seite im UB:

540-541

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3940

Ofen 1473 Januar 20 König Matthias trägt allen Rechtsinhabern Siebenbürgens auf, die Rumänen der Moldau mit ihren Waren in Siebenbürgen frei handeln zu lassen.

Von der Kanzlei: De commissione propria domini regis.

Nos Mathias dei gratia rex Hungariae, Bohemiae et cetera. Vos u[nive]¹⁾ersos et singulos Wolachos in partibus Moldauias²⁾ ubivis commorantes et existentes cum rebus et merc[ibus]¹⁾ hinc inde proficiscentes praesentium serie assecuramus et hunc salvum conductum vobis in eo damus et concedimus, [u]¹⁾t quicunque ex vobis seu aliquis vestrum cum rebus et mercibus suis partes regni nostri Transsilvanens[is]¹⁾ intrare vellent seu intraverint mercaturi libere pacifice et sine aliquali formidine rerum et personarum vestrarum venire seu intrare et omnia negotia vestra disponere et tandem iterum ad propria redire valeatis atque possitis sub nostra regia protectione et tutela speciali, immo assecuramus salvumque conductum damus et concedimus praesentium per vigorem. Quocirca vobis fidelibus nostris magnificis vaivodis dictarum partium Transsilvanarum vel vicevaivodis ac universis et singulis comitibus, castellanis, nobilibus ipsorumque officialibus necnon civitatibus, oppidis et villis earumque rectoribus, magistris civium, iudicibus et villicis necnon tributariis et theoloniatoribus cunctisque aliis cuiusvis status et conditionis hominibus in dictis partibus regni nostri Transsilvanensis ubivis existentibus praesentes visuris harum serie firmiter committentes mandamus, quatenus amodo deinceps praefatos Wolachos de dictis partibus Moldauiae²⁾, qui ut praefertur cum eorum rebus et mercibus dictas partes nostras Transsilvanas causa venditionis emptionisque intrare volentes libere et pacifice ac absque aliquali arestatione rerum et bonorum ipsorum seu³⁾ excessibus aliorum fiendis venire et tandem iterum ad propria redire permittatis et permitti facere debeatis et secus sub obtentu gratiae nostrae nullo modo facere praesumatis. Praesentibus perlectis exhibenti restitutis. Datum Budae in festo beatorum Fabiani et Sebastiani martirum, anno domini millesimo quadringentesimo septuagesimo tertio, regnorum nostrorum Hungariae quinto decimo, coronationis nono, Bohemiae vero quarto.

I f manu propria. [S. 541]

Auf der Rückseite von gleichzeitiger Hand: Salviconductus mercatorum de Moldauia.


1) Lücke 5 mm. [4x]^{^}
2) Auf Rasur. [2x]^{^}
3) Vorlage ps.^{^}