Urkunde Nr. 3965 aus Band VI

Seite im UB:

553-554

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 346.

Druckvorlage:

nach Original

Abdruck als:

Volltext

Sprache:

Latein

---

3965

Desch 1473 August 17 Der siebenbürgische Woiwode Blasius Magyar bestätigt als Ergebnis der von einer Adelsversammlung in Desch durchgeführten Untersuchung, dass der im Vorjahr stattgefundene Überfall auf die Bürgermeister von Hermannstadt und Kronstadt von den Besitzungen der Adligen Nikolaus Dragfi, Johannes Pongracz und Johannes Kis ausgegangen ist.

Nos Blasius Magyar vaivoda Transsiluanus ac Siculorum comes memoriae commendamus, quod cum nobis in praesenti conventione nobilium potiorum harum partium Transsiluanarum regni per nos de literatorio mandato serenissimi principis domini Mathiae dei gratia regis Hungariae, Bohemiae et cetera domini nostri gratiosi nobis superinde iniuncto pro sciscitandis et investigandis predonibus, latronibus et spoliatoribus Rascianorum regalium ac aliorum hominum quorumvis rebus et bonis suis in exitu Keres ac etiam aliarum viarum ab hoc regno versus Hungariarum profisci continuari¹⁾ debendarum in praesenti scilicet et in praeterito annis spoliatorum in hoc opido facto et celebrata constitutis et cum eisdem regnicolis ratione praevia tractantibus prudentes et circumspecti viri Jacobus Folnagh, civis civitatis Brassoviensis, ac Simon, iudex de²⁾ Rosno, in personis universorum civium et inhabitatorum eiusdem civitatis Brassoviensis ab una, item Benedictus Mesarus dictus iudex civitatis Cibiniensis ac Simon de Zewch hospes eiusdem civitatis similiter in eorum ac aliorum cunctorum civium ipsius civitatis Cibiniensis ab alia, necnon Georgius Feyer inhabitator civitatis Pestiensis³⁾ a tertia partibus nostram scilicet et regnicolarum praedictorum venientes in praesentiam consona voce significare querulose curarunt in hunc modum: Quod dum ipsi ac Thomas Cibiniensis necnon condam Nicolaus Hozyw Brassoviensis, civitatum praedictarum magistri civium, item venerabilis magister Jacobus plebanus de Naghchwr una cum aliis quam pluribus hominibus tam de eisdem quam de Segeswar civitatibus existentibus ac familiaribus propriis perfectis eorum legationibus apud regiam maiestatem circa festum ascensionis domini in anno proxime transacto⁴⁾ praeteritum ab eadem regia maiestate praesentibus Rascianis de Kewy has partes Transsiluanas per viam Keres pariter ingredi habuissent et ad terram magnifici Nicolai de Belthek videlicet prope possessionem Fekethetho pervenissent, tunc nonnulli predones et spoliatores manibus armatis in ipsos hostiliter irruentes praefatos Nicolaum Hozyw magistrum civium necnon magistrum Jacobum plebanum nece miserabili interemissent, annotatum vero Georgium Feyer acto vulneribus letalibus ceteresoque ex ipsis quam plures diris verberum et ulnerum plagis affecissent, universis quoque rebus et bonis eorum ut puta equis, vestimentis, tapetis, promptis pecuniis et argenteriis generaliter quibusvis aliis protunc erga ipsis habitis et repertis eosdem privassent et spoliassent easdemque et eadem ab ipsis abstulissent ita videlicet, quod in huiusmodi rerum et bonorum ablationibus, exceptis interemtionibus vulnerationibusque hominum cives Cibinienses inclusis rebus dicti condam magistri Jacobi plebani⁵⁾ mille et quingentos, cives autem Brassoviensis civitatum praedictarum ducentos, annotatus siquidem Georgius Feyer quingentos, quidem vero Matheus familiaris iamfati Thomae magistri civium decem et septem florenos auri dampna perpessi extitissent. Quibus praemissis per dictos cives ac Georgium Feyer modo praemisso propositionibus factis, idem pecierunt nos ac regnicolas praedictos instanter, ut ipsos de praedictis predonibus et spoliatoribus de quorum bonis fuere per quos videlicet ipsi praemisso modo haberentur dampnificati [S. 554] et periclitati superinde inquisitione subsecuta certiores redderemus. Cumque nos iuxta regium mandatum omni diligentia adhibita inter cetera super praemissis in eo videlicet de quorum bonis praemissae spoliationes, latrocinia, homicidiaque et vulnerationes tempore in praedicto factae et commisa extitissent diutius inter regnicolas sciscitati et scrutati fuissemus ex pluribus evidentibus documentis exinde per regnicolas factis potissime inter alia, quia nonnullae res et bona Rascianorum praedictorum regalium, qui similiter tempore in dicto periclitati extitere in bonis et possessionibus egregii Johannis Kys de Zeredahel ad nostrum scitum repertae et inventae exstitissent praemissas spoliationes, latrocinia, homicidia, verberationes dampnaque praemissa praelibatis civibus civitatum praedictarum ac Georgio Feyer de bonis et possessionibus magnificorum Nicolai Dragfy de Beitek, qui ad praesentem conventionem per nos admonitus et evocatus se coram regnicolis expurgaturum venire aut suos homines mittere recusavit. Item domini Johannis Pongaracz de Dengeleg ac praefati Johannis Kys factas commissasque et patratas fuisse et extitisse pariter cum regnicolis in dicta conuentione nobiscum existentibus comperimus manifeste. In cuius evidens testimonium praesentes literas nostras annotatis civibus civitatum praedictarum necnon Georgio Feyer petentibus eisdem duximus concedandas. Datum in dicto opido Dees feria tertia proxima post festum assumptionis beatae Mariae virginis, anno domini millesimo quadringentesimo septuagesimo tertio.

Auf der Rückseite von gleichzeitiger Hand: Sententia in causa spoliationis magistri et cetera per waiwodem Magdyar Balasch lata.


1) Vorlage contimuari.^{^}
2) Nachträglich hinzugefügt.^{^}
3) Hierauf nram gestrichen.^{^}
4) Mai 7.^{^}
5) Hierauf in gestrichen.^{^}