Urkunde Nr. 3966 aus Band VI

Seite im UB:

554-555

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 347.

Druckvorlage:

nach Original

Abdruck als:

Volltext

Sprache:

Latein

---

3966

1473 August 31 König Matthias erteilt der Stadt Hermannstadt und den Sachsen der Sieben Stühle das Recht, den Saumpfad durch den Rotenturm-Pass auf eigene Kosten zu erweitern.

Von der Kanzlei: De commissione propria domini regis.

Nos Mathias dei gratia rex Hungariae, Bohemiae et cetera significamus tenore praesentium quibus expedit universis, quod inter cunctas diligentiae et providentiae nostrae sollicitudinis quibus versamur, ut recte in laudem nostri nominis et commodum subditorum hoc a deo nobis comissum imperium gubernetur, haec praecipua animo nostro insidet cura, ut rebus in cunctis publicam utilitatem subditorum nostrorum praeferamus eosque industria regamus, ut et nostra regia providentia apud eos laudem habere mereatur et ipsorum animus ad maiora virtutum opera magis accendatur. Accedentes ilaque nostrae maiestatis in conspectum fideles nostri circumspecti magister Thomas Althemberger, magister civium, et Nicolaus Aurifaber, iuratus civis civitatis nostrae Cibiniensis nobisque in suis ac universorum civium et inhabitatorum eiusdem civitatis nostrae Cibiniensis necnon Saxonum septem sedium Saxonicalium [S. 555] personis exponere curarunt in hunc modum. Quomodo quadam via prope eandem civitatem nostram Cibiniensem penes quoddam castrum Weresthoron existens ad partes Transalpinas tendens, per quam res mercimoniales ad ipsam civitatem et de ipsa civitate nostra ad alia loca asportari deberent, adeo stricta esset, ut vix unus equus dumtaxat sequi alium posset, saepiusque per inundationes aquarum et nivium in tantum obstrueretur, ut nemo per eandem viam ire neque redire posset, ex cuius viae strictitate incolae eiusdem civitatis nostrae et ipsi Saxones non parvum dampnum sumpmerent. Supplicatum itaque extitit nostrae maiestati per praefatos magistrum civium et Nicolaum iuratum civem ut praemittitur in suis et aliorum universorum et singulorum civium de eadem civitate nostra et ipsorum Saxonum personis, ut ipsis circa praemissa provisionem talem, ut per ipsam viam amplior transitus omnibus per eandem transire vel redire volentibus redderetur, facere diguaremur. Nosque qui ex suscepti nostri regiminis officio ea quae commoda subditorum nostrorum concernere videntur, admittere et ipsorum commoditatibus praeintendere tenemur, supplicationem huiusmodi attendentes fore iustam et consonam rationi, supplicationibus ipsis inclinati, eisdem iudici, iuratis ceterisque civibus et toti communitati dictae civitatis nostrae Cibiniensis nec non universis et singulis septem sedium Saxonicalium Saxonibus id gratiose sed et de plenitudine nostrae regiae potestatis annuendum duximus et concendendum, ut ipsi praescriptam viam in tantum dilatare seu ampliare propriis eorum sumptibus et expensis, ut per eandem universas mercancias eorum ac alias quascumque res sub quocumque genere et specie existentes, pro viciu et amictu eorum necessarias per currus et animalia ipsos currus trahentia ad ipsam civitatem nostram Cibiniensem adducere seu adduci facere et de ipsa civitate nostra ad alia loca, qua maluerint, dimittere seu dimitti facere possint et valeant. Immo annuimus et concedimus ita tamen, ut ipsi cives omnem diligentiam et debitam custodiam adhibeant, ne exinde per ampliacionem huiusmodi viae regnicolis nostris illarum partium per incursus emulorum nostrorum aliqua dampna inferantur. Harum nostrarum, quibus secretum sigillum nostrum est appensum, vigore et testimonio literarum mediante. Datum Budae feria tertia proxima post festum decollationis beati Johannis baptistae, anno domini millesimo quadringentesimo septuagesimo tertio, regnorum nostrorum anno Hungariae et cetera sextodecimo, Bohemiae vero quinto.

Auf der Rückseite von gleichzeitiger Hand: Literae super consensu amplificationis viae prope Rubeam Turrium propter merces adducendos.