Urkunde Nr. 1796 aus Band IV
- Seite im UB:
- 19
- Druckvorlage:
- nach Original
- Abdruck als:
- Volltext
- Sprache:
- Latein
1796
1416 August 16 Der Konvent von Kolozsmonostor beglaubigt für den Klausenburger Pfarrer Christian die Urkunde König Sigmunds von 1415 Nr. »1772, die Zufuhr von Getreide zur Mühle des genannten Pfarrers betreffend. Orig. Perg. Archiv des röm.-kath. Pfarramtes Klausenburg. Siegel war in weisses Wachs auf der Rückseite aufgedrückt.
Druck: Jakab, Oklevéltár (
») I, 154 Nr. 90.
Nos conventus monasterii beatae Mariae virginis de Clusmonostra significamus tenore praesentium quibus expedit universis, quod Henricus familiaris honorabilis viri domini Cristiani plebani de Cluswar in eiusdem persona ad nostram accedendo praesentiam exhibuit nobis quasdam literas excellentissimi principis et domini nostri gratiosi domini Sigismundi dei gratia Romanorum regis semper augusti ac Hungariae, Dalmaciae, Croaciae et cetera regis sub sigillo eius imperiali ad propriam commissionem suam patenter emanatas tenoris infra scripti, petens nos cum instantia, ut easdem de verbo ad verbum transcribi et transsumi transsumptumque earundem ipsi domino plebano dare dignaremur uberiorem sui iuris ad cautelam. Quarum tenor talis est.
(Folgt die Urkunde Sigmunds von 1415 Nr. »1772.) Nos etiam petitionibus annotati Henrici ut praemittitur in persona praefati domini Cristiani plebani nobis factis annuentes praescriptas literas regias non abrasas, non cancellatas nec in aliqua sui parte vitio caliginis offuscatas sed mera veritatis plenitudine praepollentes de verbo ad verbum transcribi ac praesentibus literis nostris similiter patentibus inseri fecimus, eidem domino plebano duximus concedendas. Datum secundo die festi assumptionis virginis Mariae, anno domini millesimo quadringentesimo sexto decimo. [S. 20]