Urkunde Nr. 1797 aus Band IV

Seite im UB:

20-21 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 49a.

Druckvorlage:

nach Original

Abdruck als:

Volltext

Sprache:

Latein

---

1797

Calais 1416 September 14 König Sigmund beauftragt Nikolaus, den Woiwoden von Siebenbürgen und dessen Stellvertreter, die Kronstädter Fronleichnamsbruderschaft zu verhalten, dem Anthonius Sander die bei der Erwerbung der Besitzungen Tohan und Zernescht erwachsenen Auslagen zurückzuerstatten.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fideli nostro dilecto magnifico Nicolao de Chaak partium nostrarum Transsiluanarum vaivodae vel ipsius vicevaivodae salulem et gratiam. Referente nobis fideli¹⁾ nostro Anthonio Sander de Brassow nostra intellexit celsitudo, quomodo ipse temporibus non diutive elapsis quasdam possessiones Zerne et Thuhan nuncupatas in comitatu Albensi Transsiluano existentes sibi ac Thomae presbytero et Nicolao iudici de Cheyden a nostra maiestate dari et conferri obtinuisset. Quae quidem possessiones ex eo, quod ipsi usque annualem revolutionem donationis huiusmodi se in dominium earum iuxta antiquam et approbatam ipsius regni nostri Hungariae consuetudinem legitime statui facere neglexissent, rursus et iterum ad manus nostras regias devolutae exstitissent. Quas tandem inito cum praefatis Thoma presbytero et Nicolao iudice superinde digesto et maturo consilio et eisdem Thoma presbytero ac Nicolao iudice se pro expensis et sumptibus ac laboribus ipsius Anthonii, quas idem in reobtenlione praescriptarum possessionum hinc inde faceret, quoad ipsorum portionem eidem satisfacturos spondentibus praefatus Anthonius Sander non parcendo laboribus suis et expensis per diversa loca et climata iam in regno nostro Boznae iamque in partibus Alamaniae nostram comitando serenitatem pro se et pro praedictis Thoma sacerdote ac Nicolao iudice vice reciproca denuo et de novo ab eadem nostra serenitate reobtinuisset nuncque societas seu fraternitas ecclesiae sacratissimi corporis Christi ibidem in Brassow sitae, cui fere directa medietas praedictarum duarum possessionum Zerne et Thuhan foret applicata, necnon nonnulli alii, qui participium de huiusmodi possessionibus habere satagerent, nullam praefato Anthonio Sander pro praemissis suis laboribus et expensis satisfactionem impendere advertendo absque ulla satisfactione praemissorum laborum et expensarum portiones in praemissis possessionibus Zerne et Thuhan pro se ipsis accipere niterentur, cum tamen signanter praemissa societas seu frater- [S. 21] nitas ecclesiae praedictae quoad portionem seu partem ipsius ecclesiae cedere debentem ipsi Anthonio pro praemissis suis laboribus et expensis plenam et omnimodam satisfactionem exhibere assumpsisset. Unde cum nos praefatum Anthonium Sander praemissis suis onerosis et suderosis laboribus ac expensis sumptuosis per ipsum praevia ratione factis, de quibus etiam mera¹⁾ constaret²⁾ certitudo veritatis, nequaquam indebite frustrari velimus, fidelitati igitur vestrae firmiter praecipiendo mandamus, quatenus habita praesentium notitia per certum et fide dignum hominem vestrum praesente testimonio capituli ecclesiae Transsiluanae, quod per ipsum capitulum ad id serie praesentium transmitti iubemus, praefatas societatem seu confraternitatem praescriptae ecclesiae corporis Christi et alios per ipsum Anthonium inibi nominandos verbo nostro regio admoneri facialis, ut ipsi praefato Anthonio Sander pro praemissis suis laboribus et expensis, quibus³⁾ veluti ex praeviis rationibus teneri dinoscuntur, plenam et omnimodam ac indilatam impendant satisfactionem. Qui si fecerint bene quidem, alioquin si et in quantum per³⁾ praefatam societatem seu confraternitatem vel alios quoscumque aliquas portiones in dictis possessionibus Zerne et Thuhan nulla prius pro praemissis laboribus et expensis suis ipsi Anthonio uti debuissent satisfactione⁴⁾<fnz>impensa sed indebite ac potentialiter occupatas fore per evidens documentum et sufficientem experientiam agnoveritis, ex tunc exclusis omnibus talibus occupationibus et detentionibus de eisdem possessionibus praelibatum Anthonium in dominium huiusmodi portionum possessionariarum taliter occupatarum rursus et iterum reintroduci et restatui faciendo ipsum in eisdem contra huiusmodi debitores suos protegere, conservare et indemniter manutenere debeatis iure exigente tamdiu, donec sibi super praemissis suis laboribus et expensis iuxta approbatam regni nostri consuetudinem et legitimam comprobationem ipsius Anthonii, solvendo et restituendo satisfactum fuerit quoad plenum. Aliud pro nostra gratia non facturi. Datum in villa Calesy in portu maris, in festo exaltationis sanctae crucis, anno domini MCCCCXVI^o, regnorum nostrorum anno Hungariae et cetera XXX, Romanorum vero sexto.

<fnet>a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 20, 1-4 auf S. 21.</fnet>
[S. 20] <fnzt>1) Vorlage: fidele.</fnzt>
[S. 21] <fnzt>1) Auf Rasur.</fnzt> <fnzt>2) et auf Rasur.</fnzt> <fnzt>3) Fehlt in der Vorlage.</fnzt> <fnzt>4) Über der Zeile nachgetragen.</fnzt>