Urkunde Nr. 1806 aus Band IV

Seite im UB:

33-34 ^a)

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 127.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1806

Konstanz 1417 März 21 Konig Sigmund verbietet dem Rat von Kronstadt, die Einwohner der Stadt am Besuch des Wochenmarktes in Marienburg zu hindern.

Sigismundus dei gratia Romanorum rex semper augustus ac Hungariae, Dalmatiae, Croatiae et cetera rex fidelibus nostris iudici, iuratis ac universis civibus civitatis nostrae Brassouiensis salutem et gratiam. Intellexit nostra serenitas displicenter, quomodo vos ex animi rancore dudum contra fideles nostros iudicem, iuratos ceterosque cives nostrae civitatis Ffeldwar³⁾ praeconcepto et odio vestros concives et cohabitatores publice prohibuissetis, ut nullus eorum cum suis bonis et rebus ad forum liberum singulis feriis quintis omni septimana⁴⁾ in dicta Ffeldwar celebrari⁵⁾ solitum accedere seu dictam civitatem intrare deberet, ⁶⁾ in eiusdem nostrae civitatis, immo nostrae maiestatis praeiudicium atque damnum satis grande. Super quo fidelitati vestrae regio nostro sub edicto firmissime praecipimus et mandamus, quatenus praesentium continentiis intellectis nullo alio nostro mandato superinde exspectato, omni odio et rancore ex animo vestro evulso vestros concives et cohabitatores cum eorum bonis et rebus ad dictum forum in praefata nostra civitate Ffewldwar celebrari consuetum totiens quotiens opportunum fuerit libere accedere permittatis, praedictam vestram prohibitionem illicitam et damnosam prorsus et per omnia removendo. Alioquin praesentium serie per fidelem nostrum dilectum magnificum Michaelem Salamonis de Nadas Siculorum nostrorum comitem vel eo aliis agendis occupato vel praemissis intendere recusante per magnificum Nicolaum de Chaak partium nostrarum Transsiluanarum vaivodam eiusque vicevaivodas praesentes et futuros vos [S. 34] ad praemissa facienda artius compelli volumus et astringi nostra auctoritate regia mediante. Secus igitur pro nostra gratia facere non ausuri. Praesentes post lecturam reddi iubemus praesentanti. Datum Constantiae, in dominica Letare, anno domini millesimo quadringentesimo decimo septimo, regnorum nostrorum anno Hungariae et cetera tricesimo, Romanorum vero septimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-6 auf S. 33 (1-2 zu voranstehender Urkunde).^{^}

1) Insert: ausgeschrieben. ^{^}
2) Über der Zeile nachgetragen: auf der Zeile: Hewltwin durchgestrichen. ^{^}
3) d über der Zeile nachgetragen.^{^}
4) Vorlage: septima.^{^}
5) Vorlage: celebrare - Trausch a. a O.: celebrari.^{^}
6) Vorlage: deberent.^{^}